کلامِ فقیرملت عارف باللّہ حضرت ابراھیم صاحب ؒ تلن گام پلوامہ

ہژرلد آس چون دربار
نبرنیرِتھ ژہ ہاو دیدار
تبر عشقنہ چِھ زورآوار
نبرنیرِتھ ژہ ہاو دیدار
ژہ چھوئی تن من مُشک جاری
امیدوار چھی ژہ نِش ساری
مہ وُچھ دیدَو ژہ چھئ انوار
نبرنیرِتھ ژہ ہاو دیدار
کرکھ نا اکھ نظر چشمَو
کورُس فلواہ یِمَو سُخنَو
سُخن أنزرٕن سیٹھاہ دشوار
نبرنیرِتھ ژہ ہاو دیدار
مہ چُھنہ پرواے ٔمہ چُھم کامِل
گڈۓ شیرِتھ مہ تھونم دل
دلس اندر کُلُک سردار
نبرنیرِتھ ژہ ہاو دیدار
ہوئی ژہ زان دوست دُشمن
سو میلِتھ چُھم شین طرفن
مہ زرہذرہچُھ مکٔرِ تھ ملژار
نبرنیرِتھ ژہ ہاو دیدار
ژہ تراو ہستی نِشہ یارس
اندر اَژھ لولہ دربارس
وُچھکھ سورُئ ژٔلِتھ پِنڈار
نبرنیرِتھ ژہ ہاو دیدار
گُمانۓ کیاہ چُھ کاردارس
ژہ پرژھ بردارمنصورس
کُنُن ما چھوئی کٔرِتھ باپار
نبرنیرِتھ ژہ ہاو دیدار
دوہس راتس دزان چُھم خون
چھ نازاہ عاشقس لوسان زوٗن
چُھ ابراہؔیمس وفادار
نبرنیرِتھ ژہ ہاو دیدار