(جنید رشید راتھر )(طلحہ)
زندہِ پانئے پانِ مر
پختہ سپدن خام تر
لولچ ڈآلیا نبیس ؐ پر
پختہ سپدان خام تر
معراج نامے گوڈ ژہ زان
سفرِ محمود ؐ گوڈ ژہ مان
الفس تہ ممیس معنی ٰ پر
پختہ سپدن خام تر
چون مرتب تلہ چھ اعلیٰ
یلہ ژہ سرکھ لا اللہ
صاف دلچ نظر کر
پختہ سپدن خام تر
اچھو وچھان گژہ پنن حال
کیاہ چھ مستقبل کیاہ حال
من نطفہ در قرآن پر
پختہ سپدن خام تر
دوبہ وانئے پان چھل
شد پون پانس مل
پنن پان پانِ سر
پختہ سپدن خام تر
جدائ ماہ چھ کانہہ تہ غم
یلہ ژہ آسی ٰ پیر محکم
پیرس پننس خدمتاہ کر
پختہ سپدن خام تر
طلحہ تہ دیوان لولک آلو
بوزتہ لالو میون خیالو
شعارن میانن کر سززر
پختہ سپدن خام تر
(جنید رشید راتھر )(طلحہ)
اونورہ شوپیان کشمیر
