نعت
توصیف رضا
اے آفتابِ دینِ من یا رحمتً للعالمین
یَک پَرتوِ بر قلبِ مَن یا رحمتً للعالمین
ژی چُھکھ دِلَس میانِس اِمام ہَردَم بہ چُھس چونُی غلام
ژی یار و یاوَر ژٕی جانِ مَن یا رحمتً للعالمین
ژی چُھکھ حبيٖبِ کِبریا ژے چُھی عطااِزنِ شِفا
سورُی قران چونُی سوخَن یا رحمتً للعالمین
بحرِ خدا ديٖدار دِم لاگِتھ میہ ژی غم خوار یِم
وارانسٔی میہ گُل پھولَن یا رحمتً للعالمین
ژی چُھکھ دِلَس میہ زندگی کرہے بہٕ ہردَم بندگی
کرَہَے نِچھاور ٲوُیل بَدَن یا رحمتً للعالمین
بوزِتھ رضا لاران چُھ چانین وتَن گاران چُھ
آلو تَمِس گو ێلہ کَنن یا رحمتً للعالمین
