پرویز مانوس
تُو پریوں کے نگر سے
آئی ہے اس شہر میں شاید
مُنزہ ہے، بڑی معصوم ہے
تُو خوبصورت ہے
تیرا چہرا مری آنکھوں
کے آگے رقص کرتا ہے
تیری باتیں میرے کانوں
میں ایسے گھولتی ہیں رس
کہ جیسے باغ میں پیاری
سی کوئی کوکتی کوئل
ندی کی پُر سکوں لہریں
ہوا سے بات کرتی ہوں
ہزاروں پھول جیسے
مسکراتے ہوں مرے آگے
کھلونے کی طرح گُڑیا
کلیدی سے جو چلتی ہے
وہ تتلیّ کی طرح تیرا پُھدکنا
کھلکھلانا، بھاگ جانا
جو پوچھے نام کوئی تو
گلابی اپنے ہونٹوں
صرف اتنا بتا تی ہو
مُطیبہ نام ہے میرا
تو کہہ کر بھاگ جاتی ہو ۔۔۔۔۔۔۔!
