خزان

سید محمد رفیق خاموش

چھُ وُلمُت خزانن یہ گلستان ہے ہے
چھے رآومإژ بہارچ سہُ پہچان ہے ہے
اوس یاوُن ریگزارن تہِ بوزُم
گومت از وچھُم تِم تہِ سنسنان ہے ہے
اما درینٹھ ما از گژھان تِم بہادر
یمن اْسی ونان آس نوجوان ہے ہے
ویژھان باغ چھاوُن ساری بہارُک
مگر گاہ بے گاہ کانہہ سگہ وان ہے ہے
چھُ نار وہوُن وجودس میہ لوگمُت
سیٹھا کال ووتم سہُ للوان ہے ہے
خدایا بہارک بہار ہاو خاموشس
چھے نتہ ناو تمسنز ڈوبان ہے ہے