شمس سلیم۔۔۔ شوپیان
قدم ٹھہراو ساتھا میانی دریی چھے
تہ گزراو بیاکھ راتھا میانی دریی چھے
بو چھُس نا تشنہ لب کوثر چھو دیدن
چوان چھُس دارِ تریشی چھم نہ ہمن
دِتم زوُنچ براتھا میانی دریی چھے
تہ گزارو بیاکھ راتھا میانی دریی چھے
چھُ اکھ اکھ ژوُہ ژے روس کروٹھ باسان
مژر اونمُت مہ چانی اخلاسن
لِلہَ ہاو معجزاتھا میانی دریی چھے
تہ گزارو بیاکھ راتھا میانی دریی چھے
بو چھُس ہفدر بندس اندر ژہ مشتاق
بو چھُس در پردہ وچھان عالما بیاکھ
یہ کرتھا کراماتھا میانی دریی چھے
تہ گزارو بیاکھ راتھا میانی دریی چھے
بو رووٗس راونَس منز رات راتس
میہ وچھ چونی عکس منز زَر زاتس
یہ چھا بیاکھ کایناتھا میانی دریی چھے
تہ گزارو بیاکھ راتھا میانی دریی چھے
بو تھوتھس نودرس اندر کْرِتھ گیر
وُنتھ شمس سلیمس سیر پاٹھ سیر
یہ کیوتھ سا ملاقاتھا میانی دریی چھے
تلہ گزارو بیاکھ راتھا میانی دری چھے
