توصیف رضا
کلاں میہ زیو چھم لفظ ژھوکاں چھِم
یہ چانہِ لولُک اثر چھُ شاید
زُواں یِتھے کنہِ میہِ دل وداں چھُم
یہ ِ چانہِ لولُک اثر چھُ شاید
چھُ زاگہِ روزِتھ شہن میہ کُستاں
مراں دوہے چھُس توے بہ ازتاں
میہ باگہِ آمُت سِتم زمانُک
یہ ِ چانہِ لولُک اثر چھُ شاید
دوہے میہ کُستاں فراں چھُ چشمن
سہُ خواب ساری نواں چھُ لوٹِتھ
مے دوہ تہِ رووُم مے شام رووُم
یہ ِ چانہِ لولُک اثر چھُ شاید
یُپِس دِوان چھُس بہ شُپ وَنے کیاہ
گژھاں میہ مدنین چھُ شب ونے کیاہ
سیکُل چھِ سپداں چمن میہ ساری
یہ ِ چانہِ لولُک اثر چھُ شاید
گژھِتھ غوطن گے عقل پریشاں
دِلس تہِ ووُتلے میہ پران ارماں
و ں منتظر چھُس بہ جان و دل ہیتھ
یہ ِ چانہِ لولُک اثر چھُ شاید
