شیخ گلزارؔ
یاد آتا نہ مجھ کو کیا کچھ ہے
دل یہ کس سے نہ آشنا کچھ ہے
یہ بھی الفت کا ایک پہلو ہے
دل یہ رہ رہ کے سوچتا کچھ ہے
آج میں پر سکون ہوں لیکن
دل کے اندر کھچائو سا کچھ ہے
جذب کرتی ہے کیانہیں پھر بھی
آنکھ پُرنم سی یہ فضا کچھ ہے
زندگی جب نڈھال ہو غم سے
بوجھ لگتا نہیں تو کیا کچھ ہے
ذہن و دل ہی نہیں ہو جب بس میں
جسم قابو میں کب رہا کچھ ہے
آکہ کہہ دیں یہ سامنے سب کے
اس میں اپنی نہیں خطا کچھ ہے
جب بھی ہوتا ہوں میں کہیں گلزارؔ
دل وہیں پر نہیں لگا کچھ ہے
