مسعود ہاشمی
یواں چھُم خوش ہوا امہِ چانہ شہرک
عطر ملی مل فضا امہِ چانہ شہرک
یہ کمی مضراب دیت اتھ لولہ سازس
کراں چھُم مس صدا امہ چانہ شہرک
یتھے چھنہ لولہ والین شوق غالب
بنن سایل مدعا امہِ چانہ شہرک
گومت چھوی رشک پیدا شوق والین
وچھت ژھیونمت گدا امہ چانہ شہرک
ییم لوکچار بیہ زن وانس نیرتھ
اگر میلیم دوا مہ چانہ شہرک
ووشا ترآوِتھ ونن ہے بے وفا دراو
پرژھومس پے پتا امہِ چانہ شہرک
تلان ہاشم قلم حرفن دوان تہہ
کراں چھوی حق ادا امہِ چانہ شہرک
