عاشق حسین وار زاہد۔۔۔۔۔
شیخ پورہ ہرل ہندواڑہ
دیدو دیم دیدار پنُن یار تہِ چھا کم
نارس کریم گلزار پنُن یار تہِ چھا کم
سر تے منگیم پادن وندس زوو آیتن تھاوس
تس چھا تہِ کینہ انکار پنُن یار تہِ چھا کم
برابتھ دلس آس توے تاو کراے ژآج
شامن دیم دیدار پنُن یار تہِ چھا کم
دوپنم مے ژرژ دگ کرُس پروانہ نبتھ گتھ
شمعس دپان اوش ہار پنُن یار تہِ چھا کم
اسنایہ دوہلی گاشہ یا ودنایہ تہِ تھاویم
رآژن مے بے قرار پنُن یار تہِ چھا کم
زاہد گژھاں چھُ ڈیڈِ تل ہر ساعتہ آش ہیتھ
تھاویم مے اعتبار پنُن یار تہِ چھا کم
