ٹرباز خان
رمضان سادن کٔر شُرنئ تہ گُپہ باورن دِژ ووگہ کنئ کریکھ۔۔پتہ متہ بوزتو۔ گامئ گامس لج پارے زِہ جمہ قراقلی ہا مود۔
سوشل میڈیاہس پیٹھ لج خبر چرکارِ ہندئ پاٹھی نژنہ۔
جمہ قراقلی اوس سانہ رجسٹرڑ انجمنک اہم رکن۔ أمس آس یہ اہم کام مٹہ زہ پروگرام کہ دوہ آسہ یہ انجمنک بینر دیوارس کن چسپان کران تہ پروگرام اند واتنس تام اتی کھڑا روزتھ خیال تھاواں زہ بینر ما پییہ وسئ۔تہ پروگرام موکلتھ بینر والن تہ انجمن کس دفترس پیٹھ جمع کرُن۔
جمہ قراقلی اوس لوکچارس پنن گون مس پھیکن پیٹھ تراوان۔ مگر پتہ یلہ خاندر کورُن تہ تقدیرس ٹاس ٹاس ووتھس تال گئیس پربتکئ پاٹھئ ننگہ تمئ لاجئن قراقلی دنئ۔ شریو کورس جمہ قراقلی ناو تہ یہوے پہچان ہیتھ بنیوو سانہ انجمنک ممبر۔ ترقی کران کران ووت انچارج بینر عہدس تام۔
جمہ قراقلی مود۔ سوشل میڈیاہس پیٹھ کور تمام آنجاریو مانجاریو تعزیت۔ واریاہو انجمنو ، تنظیمو تہ ادارو کرئ پوسٹر یم دویمہ دوہ اخبارن درایہ۔
سانہ انجمنک غیر معمولی اجلاس تہ سپد آنا” فانا” تہ ماتمی قرار داد آو پاس کرنہ۔ سیتی آو فیصلہ کرنہ زہ فاتحہ دوہ گژھن انجمنکئ تمام ممبر وفدہ کس صورتس منز جمہ قراقلی سند گرہ۔ امہ وفدچ قیادت کس کرہ تہ کتھ جایہ سمو، اتھ پیٹھ تہ آو سرنہ سوچنہ تہ پریس نوٹ تیار کرتھ میڈیاہس سوزنہ۔ یس کالے سوشل میڈیاہس پیٹھ تراونہ آو۔
فاتحہ دوہ وأتئ ساری بس آڈس پیٹھ تہ کورکھ جلوسہ کس صورتس منز نیرنک سنز۔ فاتحہ پرنہ خاطرہ اوس مولوی صابن انتظام تہ آمت کرنہ مگر۔۔ ۔
رمضان سادن کٔر شُرنئ تہ گُپہ سادن دژ کریکھ۔
بینر کتہ۔۔بینر کُس لاگہ تتہ۔۔۔۔ بینرس کُس کرہ تتہ رأچھئ۔۔۔۔۔۔۔!!!
ندائے کشمیر میں کالموں کا آرکائیوز بھی شامل کیجئے میرے کالم بھی آرکائیوز میں نہیں ہیں