سبدر شبیر
أکھ دانا اوس تٔمی کور أکس شخصس امتحان موٗجوب سوال زِ ہندوستانس منز چُھ اکھ کُل یُس أمیک پھل کھیوان چُھ سُہ چُھنہٕ زانہہ مران ییلہِ خبر بادشاہن بوٗز تہٕ بادشاہ گوو امیک عاشق تہٕ دیوانہٕ تہٕ دستوٗر مطابق کورُن قصد اکھ تیار تہٕ سوٗزن ہندوستان یہِ کُل ژھانڈانہِ یہ قأصد پھیوٗر ؤری وادن سارسٔے ہندوستانس مگر یہِ کُل آسنہٕ کیہنہِ تہِ اَتھِ یمِس تہِ یہِ شخص پر یژھان اوس اَمہِ کُلیوک نیب تہٕ لوٗک أس جوابس منز ونان زِ یُتھ کُل چِھ صرف تہٕ صرف تم ژھانڈان یم پاگل آسن گمٕتی تہٕ أسس مزاق بناون ییلہِ یہِ شخص سیٹھاہ عاجز تہٕ درماندٕ گوو مدا تہٕ مقصد حاصل نہَ نیرنہٕ کنِی کورُن ؤنی أمی یرادٕ واپس نیرنُک تہٕ واپس نیران نیران گوو أمس أکس شیخ کاملس ستی ملاقات-
بود شیخے عالمے قطبے کریم
اندر آں منزل کہ آیس شدندیم
یتھس یہِ شخص سیٹھاہ نادم تہٕ مایوٗس گوو تہٕ واپس نیرنُک کورن یرادٕ تہٕ تتھ شایہِ اوس اکھ وقتک قطب روزان
رفت پیش شیخ با چشم پر آب
اشک می بارید مانند سحاب
یہِ شخص گوو أمس شیخ کأملس نش ودان ودان تہٕ یہِ اوس یوٗت ودان زنتہِ اوس روٗد پیوان تہٕ کورُن عرض
گفت شیخا وقت رحم درافتست
نا امیدم وقت لطف ایں ساعتست
تہٕ وونس اے شیخ کامل! یہِ وقت چُھ رحمتک تہٕ مہربانی ہند زِ بہٕ گوس نا وومید تہٕ میانس مقصدس تہٕ مرادس منز چھ چانی مہربانی۔
شیخ کاملن وونس کیاہ چُھ نا مُرادی تہ کیاہ چُھ مُراد چون مٔدا تہٕ مقصد کیاہ چُھ تہٕ چون عرض کیاہ چُھ۔
گفت شہنشاہ کردم اختیار
از براے جستن یک شاخسار
دوپنس زِ مینی بادشاہن چِھ میہ یہِ کام حوالہٕ کٔری مژ زِ بہِ کرٕ یمہِ کُلیوک پتہ
کہ درختے ہست نادر درجہات
میوہ اوما یۂ آب حیات
زِ اکھ قٕمتی کُل چُھ ہندوستانس منز یمیک پھل کھیتھ چُھ انسان ہمیشہ خاطرٕ زندٕ روزان میہ گوو ؤنی وری وادٕ یہِ کُل ژھانڈان مگر امیک پے پتہ لوبم نہِ کنتہِ صرف یم وراے زِ لوکھ ٲسم پاگل تہٕ دیوانہٕ ونان
شیخ خندید و بگفتش اے سلیم
ایں درخت علم باشداے علیم
شیخ کأملن بوٗز یِہ أمی سُند گفتگو أمس آو اَسن تہٕ وونس اے جوانہٕ یہِ کُل چُھ بَس علمٕچ نعمت _ علمہٕ ستٕی چُھ انسان داںٔمی زندگی پراوان بے علم انسان چُھ مۄردٕ آسان .
پَئےعِلْم چُوں شَمَع باید گُداخْت
کہ بے عِلْم نَتَواں خُدا را شَناخْت
علم حأصل کرنہٕ خاطرٕ گژھ سٹھاہ کوٗشش کرٕنی تکیاز جاہل چُھنہٕ خۄدایہ سنز قۄدرتھ سمجتھ ہیکان۔
علمک مُراد چُھ صرف سُے علم یُس بندس خۄدایس نش واتناوِ یُس علم أسی ذریعہ معاش خاطرٕ چِھ حاصل کران تتھ علمس چِھ علم صنعت تہٕ حرفتک علم ونان، علم چُھ حقیقی معنی اعتبار صرف علمِ دین ،یم علمہٕ ستی بندٕ رب ذوالجلالس ہیکہِ رأضی کٔرتھ،تہٕ بندٕ چُھ امہِ علمہٕ ستی دۄشوٕنی عالمن منز با عزت حیاتی صاصل کران، پزر چُھ یہِ زِ علم چُھ آبِ حیات تہٕ علمہٕ وراے چُھ انسان زندٕ ٲستھ مۄردٕہ آسان، تہٕ علمک حقیقی معنی تہٕ معفوم مدِ نظر تھأوتھ ونو یہِ زِ بے علم چھنہٕ خۄدایہِ سنز معرفت حأصل ہیکان کٔرتھ۔
����
سبدر شبیر
اوٹو اہربل کولگام 9797008660
