بشیر اطہر خان پورہ کھاگ
سنور کلی پور ماگام علاقک اکھ گاشہ تارک جناب میرغلام نبی شاہین اسی ۲۴۹۱ ء ایس منز اکس سیاسی گھرس منز تھنہ پیمتی۔ سیاسی اسرارو رموزا تو نشہ با خبر آسنہ باوجود دژ تمو سیاسی ما حولس لتھ تہ رٹکھ سووتھ ییتھ عام لوکھ پکان اسی۔ چاہین صاحب چھ اکھ بڈ پایکی قلمکار، ادیب،شاعر، نقاد، ماہر تعلیم۔ یمو چھ واریاہ غزلہ، نظمہ، تہ نعت بیتری لیکھمتی۔ اما پوز ونہ چھے امن ہنزہ صرف کینہہ کتابہ، سوکھ ناگکی کینہہ قطرہ تہ حسب دستور چھپتھ آمژ۔ اگر اسی سوکھ نا گکی کینہہ قطرہ کتابہ ہند مطالعہ چھ کران اتہ چھے اسہ ترقی پسند تحریک ہندی اثرات تہ نظر گژھان۔ کینہہ نظمہ چھے سامرا جیتس یعنی سو شلزمس خلاف تہ لیکھنہ آمژ تہ کینہہ چھ انسانن بیدار کرنہ خاطر ہ تہ لیکھنہ آمژ۔شاہین صابنہ کینہہ کتابہ چھے ونہ تہ چھپنس پیاران تہ کینہہ کتابہ مثلا صدا بہ صحرا چھے زیر طباعت تہ اکہ انگریزی ناولہ انیمل فارم (Animal Farm) ہند ترجمہ چھ زیر ترتیب۔
شاہین صابن چھے پریتھ مو ضو عس پیٹھ نظمہ لیچھمژ۔ یہندین غزلن، نظمن، ربا عین تہ نعتن منز چھے اصطلا حاتن، استعارن تہ کناین ہنز بھر پور کام ہینہ آمژ ییمہ کنی پے چھے لگان ز ییمن چھے اتھ منز کافی دسترس حاصل اوسمت تہ ربن اسکھ یہ صلاحیت تہ شری یانہ پیٹھے عطا کرمژ وجوہات گے یمے ز ۰۶۹۱ منز سپدی یمہ شاعری کن متوجہ تہ کورکھ اتے پیٹھ پنن ناو بڑین شاعرن منز شامل۔ یہندین غزلن،نظمن تہ مضمونن منز چھ کاشری عام فہم لفظ نظر گژھان تہ باقین شاعرن ہندی پاٹھی چکھ نہ عربی تہ فارسی لفظ ووزم انتھ پننہ نین غزلن منز وور تایمتی ییمہ کنی عام تہ سیود سادہ کاشر تہ چھ امی سنز ن غزلن ہنز داد دتھ ہیکان۔ امی سنزن غزلن منز چھے گہے گہے اضطراب تہ نظر گژھان مگر انقلابچ خوشبو چھے وز وز سانس زہنس تہ روحس معطر کران۔ شاہین صاب نہ شاعری منز چھ زمانکی ستم۔ جدائی ہند دود تہ آر زو تہ برونہہ کن اننہ آمتی یم چھ انسانن یژھان مژ نندرہ بیدار کرن یژھان تہ ونان ز اسہ پذ ہمیشہ کلہ تھود تلتھ روزن تاکہ یمو کالہ شہمار و اسہ اندی اندی نال وولمت چھ تمن گژھ ارمانن سور تہ اسی گژھو کامیاب۔ شاہین صابس روز شعر ع شاعری ہنز کل گنان تہ امیک باعث سپد ز یمو بناؤ ۸۶۹۱ ائمنز اکھ ادبی انجمن تہ ناو تھو ہس بزم ادب بٹہ پور ہ کانہامہ کشمیر تہ ۰۷۹۱ ء منز سپز یہ انجمن با ضابطہ طور رجسٹر تہ اتھ انجمنہ رود وار یہن اد یبن مشلا جناب حسرت گڑھا جناب غلام قادری حامی جناب حمید مسرور جناب عبد الاحد فیاض تہ جناب علی محمد گوہر صابن ہند اتھو اسشامل تہ یہ رود دوہ کھوتہ دوہ ترقی ہنز ہ وتہ پیٹھ گامزن سپدان تہ اتھ کار وانس رودی واریاہ شاعر قلمکار ادیب تہ نقاد رلان تہ یہ کاروان برونہہ پکناوان۔ شاہین صابس سپز ادبی مر کز کمراز یوسہ حاجنس منز اکھ ادبی تنظیم چھے بنیادی رکنیت اعزاز رنگی حاصل تہ یمن واریاہن شاعرن تہ قلمکارن ہنز صحبت تہ میج تہ امی ساتی پھانپلے یہ امے سنز شاعری تہ یم رودی پننہ نس اتھ فنس گو ڈبران۔
ساہین صابن چھ واریاہن انگریزی مقالن تہ نظمن تہ ترجمہ کورمت شاہین صاب چھ وا قعا اکھ شاہین یمہ ڈاکٹر اقبال سندی پاٹھی واریہن تھزرن ہند تلاش کرتھ اکھ بیون وتھ چھ رٹی مژ یعنی یتھ اسی سماجی زندگی تہ چھ ونا نیمو چھ شری یانہ پیٹھے پنن پان قومس حوالہ کورمت تہ چھیکھ اکہ سماجی کار کن کہ حوالہ واریاہ کامہ کر مژ ییمیک اثر سیدہ سیود امی منز زندگی پیٹھ پیو تہ وجہ گوو یو ہے کہ امو تراو ۴۷۹۱ء منز اکہ غار سیاسی تنظیم ہنز کنہ کنی یتھ عوامی محاز تھووکھ ناو تہ امہ تنظیمہ ہند ساطتہ کرہ یمو واریاہ فلاحی تہ سماجی کامہ تہ امہ ساتی سپز امہ علاقچ رہنمائی تہ رہبری تہ۔
پروفیسر محی الدین حاجنی صابس ساتی اس یمن سخ دوستی تہ یم رود اکھ اکس لر لور پکان۔ شاہین صاب چھ محکمہ تعلیمس منز بحیثیت اکھ کامیب معلم تہ رودمتی تہ چھکھ پننہ نین ژاٹہ بوجن پیٹھ اکھ بہترین اثر ترومت۔ ییمکی کینہہ نمو نہ از تہ چھ میانس گامس منز لبنہ یوان۔ دپان چھ شاہین صاب ییلہ تہ اسہ چھ سمکھان اسے چھ حیا گژھان تہ کیاز تم چھنہ اسہ ساتی زانہہ بحثیت استاد پیش آمتی بلکہ اسی اکھ مول بنتھ پیش یوان۔۔ شاہین صاب اسی خود اعتماد تہ تالیمہ منز اسکھ نہ سیاسی لیڈرن ہنزی مداخلت ٹارہ کھسان تہ رودی پنن منصب بڑ شوق ساند ورتاوان تہ پنہ نین طالب علمن تہ ہم پیشہ ساتھین رتی خیالات وویلاوان تہ پنہ نیو شعرو ستی تمن محفوظ کران۔ شاہین صاب چھ اکھ ملنسار، خوش اخلاق تہ مہمان نواز شخصیت۔ یمن چھنہ زانہہ تہ بتھس پیٹھ درہ کھسان تہ چھ پریتھ کانسہ ساتی اسہ سنے دہانہ پیش یوان۔ شاہین صاب چھ شرین ساتی شر لاگتھ پیش یوان تہ بڈس ساتی بوڈ لاگتھ پیش یوان۔ شاہین صاب چھ اکھ تتھ تخلیق کار یم پننہ فنی صلاحیت کنی لفظ تتھ کنہ ورتاوا یتھ کنہ اکھ فنکار اکس عمارژ سیر چھ لاگان یعنی یتھ جایہ بڑسیر شوبہ تتین چھ بڑ سیر لاگان تہ یتین لوکٹ سیر شوبہ تتین لوکٹ سیر لاگان۔ شاہین صابنی نعت پرتھ چھ اسہ فکرہ تران ز امن کوتاہ حب چھ رسول ؐخداین ساتی تہ کتھ کنہ چھکھ یہ لول ورتاوتھ نعت لیکھمتی امہ علاوہ چھے یمو اہلبیت رسولن ساتی پنہ نہ محبتچ باوتھ بڑآیہ کرمژ یہ چھ اکھ ٹاکار حقیقت ز نعت لیکھن چھنہ پریتھ کانسہ ہند کمال مگر شاہین صابس اوس یہ کمال تہ حاصل تہ چھن پنن کمال برونہہ کن انتھ نعت لیکھمتی، یعنی شاہین صابس چھ پریتھ فنس پیٹھ دسترس حاصل۔
ا انگریزی پیٹھ کا شرس منز ترجمہ کرن چھنہ سہل کتھ مگر شاہین صابس چھے یہ صلاحیت تہ تہ کیاز کینژن انگریزی لفظن ہند کاشر ترجمہ کرن چھ سیٹھاہ مشکل مگر شاہین صابن بنوو پننہ صلاحیتہ یہ واریاہ آسان تہ کورکھ انیمل فارم ناولہ عام فہم زبانی منز تہ ترجمہ۔ یمو کری ادبی دنیا خاطر تھیکنی لایق کام تہ امہ کامہ باپتھ کور یمن بزم ادب بٹہ پور کانہامہ کیو زعما ہو اکھ ایوارڈ تہ اکھ توصیفی سند ۰۲۰۲ ء منز عطا۔ یہ چھ اکھ ٹاکار حقیقت ز شاہین صاب رودی کالج زندگی پیٹھے ادبچ خدمت کران تہ رودی زینہ ون دوان تہ حیس دوان۔ بہتر نظمہ چھے موضوع تہ طرز بیانہ کہ آیہ تہ واریاہ خوبصورت۔ شاہین صابنین غزلن تہ نظمن منز چھ کشیر، کاشر تہ کاشرین لوکن ہند باپت سیٹھا ہمدردی تہ عشق تہ کاشر زبانی ستی اوسکھ حد روس پیار تہ توے رودی زیاد پہن کاشرہ زبانی منزے لیکھان۔ شاہین صاب رودی نو جوان قلمکارن، شاعرن تہ ادیبن ہمیشہ پننی رہنمائی کران تہ تمن وز وز حوصلہ افزائی کران تہ اوسکھ ادبہ تہ ادیبن ہندہ خاطر پنن پان آیتن تھوومت۔ عرض شاہین صاب چھ سانین دلن منز بستھ تہ خود ا تھاونکھ بصحت و سلامت تاکہ آئندہ تہ روزن ادبچ خدمت کران۔
������
