(طلحہ جنید ) اونورہ شوپیان کشمیر
سِر مئے بونم پننن پیِرن
ساتھ دُتنم تقدیِرن
سیِنہ دارس لولہ تیِرن
ساتھ دُتنم تقدیرن،
دستگیر آسے فئریادی
غمن دادین بنم شادی
وأقف چِھہم پیِر سیرن،
ساتھ دُتنم تقدیرن
بوزان ییلہ آسہ پیر پننن
تیلہ کیاہ چُھ غارن سیر وننن
ولنہ آس لولہ زنجیر ن
ساتھ دُتنم تقدیرن
بوزِ سالک کُنی کتھ
زالہ ژانگین وأنج رتھ
آیہ پریس تفسیرن
ساتھ دُتنم تقدیرن
پیش تھاوس پننن زُو جان
سالہ انن جانِ جانان
دأد بلن غم گیِرن
ساتھ دُتنم تقدیرن
دراو طلحہ شام وشام
لارِ بُمزو ژار،مقام
ہوش تھاوِ پیِر سسنزن زیرن
ساتھ دُتنم تقدیرن
