تحریر:ملک منظور
پھولوں کی خوبصورتی سب کو بھاتی ہے ۔جب یہ خوبصورتی کسی انسان میں ہو تو صرف بھاتی ہی نہیں ہے بلکہ دل کو موہ لیتی ہے اور عشق کے سمندر میں ڈبو دیتی ہے ۔عاشق بھی تیرنے کے بجائے ڈوبنے میں ہی لزت ذندگی پاتے ہیں اور حسن کے چھاو میں مرنا پسند کرتے ہیں ۔۔عشق بھی کمال کی چیز ہے ہوش و حواس باختہ کردیتی ہے اور الگ ہی عالم میں لے جاتی ہےعشق اور چیز ہے، ایک اور ہی جہاں ہے ، ایک اور ہی منزل ہے ، ایک عجیب کیفیت کا نام ہے جو الفاظ میں بیان کرنا بیحد مشکل ہے۔ انسان کی برداشت کی آخری حد سے عشق کی ابتدا ہوتی ہے – یہ معاملہ کیا ہے ؟ کیوں کسی کی یاد ہم کو بے چین و مضطرب کیے رکھتی ہے – ایسی یاد جس میں آمد ہو ، آورد نہیں – جس میں سچائی ہو، ڈھونگ نہیں – جس میں عشق ہو ، ہوس نہیں – کسی نے کیا خوب کہا ہے ” عشق نہ پوچھے ذات ” عشق کچھ نہیں دیکھتا ، مذہب ہو، عمر ہو، وقت ہو.زمان ہو یا مکان ہو، ممکن ہو یا نا ممکن ، بس ہو جاتا ہے ، جی ہاں، ہو جاتا ہے
عشق میں جزبات امنڈ آتے ہیں ۔محبوب کی یاد آتی ہے ۔ اس کو بار بار دیکھنے کا من کرتا ہے ۔۔۔تعریفیں کرنے کا جی کرتا ہے۔۔۔ عشق کے سمندرمیں اترنا اتنا آسان ہے ۔۔۔۔سوچا نہیں تھا۔۔۔۔وہ خوبصورت ،من موہنی ،خوش شکیل ،سندر ،سجیلی اور چنچل حسینہ تھی ۔اس کی آنکھیں جھیل کی طرح بڑی اور گہری ،ہونٹ نرم اور گلابی ،چہرہ مہتاب کی طرح روشن ،ادائیں شوخ ،آواز سریلی اور نگاہیں قاتل تھیں ۔اس کے چلنے سے زمین کی دھڑکن ، ہوا کی سنسناہٹ ،گھنگھروں کی چُھن چھُن ،دھوپ کا تڑاقا اور پھولوں کی مہک بڑھ جاتی تھی ۔میں دوسرے عاشقوں کی طرح اس کی راہوں میں پلکیں بچھائے ہر دن انتظار کرتا تھا کہ کب اس کا وصل ہو اور آنکھوں سے دعوت عشق ۔پہلے پہلے یہ ایک دھندلا خیال لگتا تھا کیونکہ میں اس کے خاندان کی ذات سے تعلق نہیں رکھتا تھا۔ لیکن کسی نچلی زات سے بھی تعلق نہیں رکھتا تھا ۔۔میں ہمیشہ دور سے ہی دیکھتا رہتا ۔۔میرے لیے ایک خوش آئند بات یہ تھی کہ ہم ایک ہی مدرسے میں پڑھتے تھے ۔اس لئے چوری چھپے میں اس کو جی بھر کے دیکھتا رہتا تھا ۔۔۔میں سمجھتا تھا کہ اس کو میرے بارے میں معلوم نہیں ہوگا ۔لیکن وہ سب کچھ جانتی تھی ۔۔۔میں بھی تو البیلا ،خوب رو ،چھبیلا اور خوش اندام تھا ۔۔۔پڑھائی میں اس سے بھی آگے تھا ۔۔بس میرے من میں یہ وہم تھا کہ ان کی زات الگ ہے اور ہماری الگ ۔۔۔وہ اپنے خاندان سے باہر رشتہ نہیں کرتے تھے پھر چاہیے کوئی ملک کی قیادت ہی کیوں نہ کرتا ہو ۔۔۔۔ان کے لیے اپنے خاندان کا گدھا دوسرے خاندانوں کے عربی گھوڑے سے بڑھ کر تھا ۔۔۔۔وہ خود کو مافوق الفطرت مانتے تھے۔۔۔۔یہ وہم زبان پر تالا بن گیا ۔۔۔لیکن دھیرے دھیرے نگاہوں کا ملن ہو ہی گیا ۔۔۔۔دل کی دھڑکن تیز ہو ہی گئی ۔۔۔۔عشق کی مہک ہماری سانسوں میں گھل مل ہی گئی ۔۔۔شمع جل اٹھی اور پروانہ چکر لگانے لگا۔۔۔اور عشق کی آگ لگ ہی گئی ۔۔۔۔ایک دن میں نے اس سے کہا ۔۔۔۔۔کیا ہم اس سمندر کو پار کرسکیں گے جس میں زات پات کے بڑے بڑے ٹیلے ہیں ۔۔۔۔جس میں اونچ نیچ کی رکاوٹیں ہیں۔۔۔۔کیا ہمارا ملن ممکن ہے ۔۔۔۔۔تو اس نے مسکراتے ہوئے کہا ۔۔۔۔۔۔وقت بدل گیا ہے ۔۔۔۔۔سوچ بھی بدل گئی ہے ۔۔۔۔زات پات کا قید خانہ ٹوٹ چکا ہے ۔۔۔۔۔تم مطمئن رہو ۔۔۔۔۔میں سب کچھ ٹھیک کرلوں گی ۔۔۔۔بس شر م وحیا کے پردے پھاند مت دینا ۔۔۔۔۔محنت مشقت کرکے مستقبل روشن بناؤ ۔۔۔۔پھر دیکھو چمن میں پھول کیسے کھلتے ہیں ۔۔۔۔میں نے بھی اس کی باتوں پر من و عن عمل کی ۔۔۔۔۔۔اور سرکاری محکمے میں اچھی پوسٹ پر تعینات ہوا ۔۔۔۔۔جبتک میں گھر میں پڑھائی کرتا تھا ۔۔۔۔۔وہ میری حوصلہ افزائی کرتی تھی ۔۔۔۔دو چار باتیں کر کے فون رکھ دیتی تھی ۔۔۔۔۔لیکن جونہی میں نے آفس جوائن کیا ۔۔۔تو چاند کھل کر سامنے آگیا ۔۔۔جو میرے لئیے خوشی کا باعث کم پریشانی زیادہ بن گیا ۔۔۔۔وہ ہر گھنٹے کے بعد فون کرنے لگی ۔۔۔ایک دن میں دفتر کی اہم مجلس میں بیٹھا کچھ ڈسکس کر رہا تھا ۔۔۔میں بات نہیں کر پایا ۔۔۔میں نے فون خاموش رکھا ۔۔۔جب دو گھنٹے کے بعد میں نے فون ہاتھ میں اٹھایا تو کیا دیکھا ۔۔۔ایک سو بیس کالیں ۔۔۔۔اس نے لگاتار فون بجایا تھا ۔۔۔ایک منٹ کے لئے بھی صبر نہیں کیا تھا ۔۔۔میں حیران و پریشان کچھ سمجھ نہیں پایا ۔سوچتا رہا کہ کیا کروں ۔۔۔۔فون کرنے کی اجازت صرف اس کو تھی ۔۔۔۔۔مجھے بس فون اٹھانے کا زمہ تھا ۔۔۔۔اب جو انسان دو گھنٹے تک مسلسل کال پر کال کرتا رہے گا اور آپ فون اٹھاؤ گے نہیں ۔۔۔۔تو نتیجہ کیا ہوگا ۔۔۔۔۔۔لازمی طور پر غصے کی صورت میں آگ برسے گی ۔۔۔۔۔بادل گرجیں گے ۔۔۔۔شیر دھاڑے گا ۔۔۔۔۔معاملہ صاف تھا اب مجھے پیار کے دوسرے روپ کا سامنا کرنا تھا ۔۔۔۔۔اور خوشی خوشی اگلے دو گھنٹے تک سوئی کی طرح چبھنے والی باتوں کو سننا تھا ۔۔۔۔لیکن توقعات کے برعکس فون ہی نہیں آیا ۔۔۔۔میرے دل کی دھڑکن تیز ہونے لگی ۔۔۔۔میں فون کو ہر پل دیکھتا کہ کہیں وہ سایلینٹ تو نہیں رہا ۔۔۔۔مسیج تو نہیں آئی ۔۔۔ساری رات تارے گننے میں گزر گئی ۔۔۔نہ کھانے کی فکر اور نہ ہی کام میں من ۔۔۔۔۔میں سمجھ گیا کہ میرے عشق کی آگ بلآخر بجھ ہی گیا ۔۔۔۔۔آخر دعا رنگ لائی ۔۔۔فون آہی گیا ۔۔۔۔میں دفتر میں بیٹھا تھا ۔سامنے آفس کا خاکروب بھی تھا ۔۔۔میں نے اس کو باہر نکلکر دروازہ بند رکھنے کا اشارہ کیا ۔۔۔۔۔۔میں ہیلو ہیلو کرتا رہا ۔۔۔لیکن اس نے بات ہی نہیں کی ۔۔۔۔۔بس آہیں بھرتی رہی ۔۔۔۔۔میں بولتا رہا ۔۔۔۔مجبوری تھی ۔۔۔۔میں میٹنگ میں تھا ۔۔۔۔فون اٹھانا مشکل ہی نہیں ناممکن تھا ۔۔۔۔مجھے معاف کرو ۔۔۔۔۔اب بات کرو ۔۔۔۔۔کچھ تو بولو ۔۔۔۔ڈانٹو ۔۔۔لیکن وہ صرف آہیں بھرتی رہی ۔۔۔۔۔۔اس کی آہوں میں جیسے صدیوں کا غم بھرا تھا ۔۔۔۔۔میرے دل میں بھی سکون نہیں تھا ۔۔۔۔میری روح جیسے اس کو منانے کے لیے بدن کو وہیں چھوڑ کر چلی گئی ۔۔۔۔۔میرے ہاتھ پاؤں سن ہوگیے ۔۔۔میں لاجواب تھا اور اب بے بس بھی ۔ایک گھنٹہ گزر گیا ۔۔۔۔میں ہیلو ہیلو کرتا رہا ۔۔۔معافی مانگتا رہا ۔۔۔۔صفائی دیتا رہا ۔۔۔۔۔۔لیکن وہ آہیں بھرتی رہی ۔۔۔دو گھنٹے گزر گئے ۔۔۔۔اس نے فون منقطع کیا ۔۔۔میرے دل میں عجیب قسم کے وسوسے پیدا ہوگئے ۔۔۔۔میں سوچتا رہا ۔۔۔۔کیا اس نے بدلہ لیا ۔۔۔یا مجھے سزا دی ۔۔۔خیر جو کچھ بھی تھا ۔۔۔۔تھا تو پیارہی ۔۔۔میں خود کو دلاسہ دیتا رہا ۔۔۔۔۔۔۔اس دن کے بعد میں نے کبھی فون نہ اٹھانے کی غلطی نہیں کی ۔۔۔لیکن اس نے بھی طریقہ بدل دیا ۔۔۔۔وہ پہلے میسج کرتی تھی پھر فون ۔۔۔۔یوں یہ سلسلہ چلتا رہا ۔۔۔۔ایک دن اس نے فون پر مجھ سے کہا ۔۔۔۔گھر والوں کو رشتہ مانگنے کے لیے بھیجو ۔۔۔۔شادی کر لیں گے ۔۔۔مجھے ڈر ہے کہ کوئی آپ سے پہلے میرا ہاتھ نہ مانگے ۔۔۔میں خوش تو ہوا لیکن پریشان بھی تھا ۔۔۔۔مجھے ڈر تھا کہ کہیں زات پات کا رنگ کوئی بھنگ نہ ڈال دے ۔۔۔۔۔میں نے گھر والوں کو بتایا وہ رشتہ مانگنے کے لیے گئے ۔۔۔۔۔۔جس چیز کا ڈر تھا وہی ہوا ۔۔۔۔۔۔اس کے باپ نے حقارت آمیز لہجے میں کہا۔۔۔ہمارا حسب و نسب اعلیٰ ہے ۔۔۔۔آپ کی ہماری کیا برابری ۔۔۔۔۔۔ مانا آپ کا مرتبہ اچھا ہے ۔۔۔۔لیکن ہمارا نسب آل علی سے ملتا ہے ۔۔۔لہزا آپ کہ ہم سے رشتہ کرنے کے بارے میں سوچنا بھی نہیں چاہیے ۔۔۔۔اس کے گھر والوں نے زات پات کا مسلہ چھیڑ کر صاف انکار کردیا ۔۔۔۔۔میں پریشان ہوگیا ۔۔۔۔گھر والوں نے ڈانٹ ڈپٹ کی ۔۔۔۔۔۔شام ہوتے ہی اس نے فون کیا اور کہا ۔۔۔۔گھبراو مت ۔۔۔میں سب کچھ ٹھیک کرلوں گی ۔۔۔۔۔۔میں صدیوں پرانی ریت توڑ دوں گی ۔۔۔۔۔پھر ایک کوشش کریں گے ۔۔۔۔میں نے گھر والوں کو مجبور کر کے پھر بھیج دیا ۔۔۔۔۔لیکن پھر وہی جواب گالی گلوچ کے تڑکے کے ساتھ ۔۔۔۔میرے گھر والے آگ بگولہ ہوگئے ۔۔۔۔
میری ماں نے مجھ سے کہا ۔۔۔۔ان کو اتنا گھمنڈ ہے کہ انکی سمجھ میں یہ بھی آتا کہ تقویٰ کی بنیاد پر مرتبہ ملتا ہے نہ کہ نسب پر ۔۔۔۔ابو جہل تو پیغمبر کے خاندان سے تھے اور بلال ایک حبشی ۔۔۔پر سید بلال کو کہا گیا ۔۔میں خاموش سنتا رہا ۔۔۔اب کی بار کوئی فون بھی نہیں آیا ۔۔۔میں سمجھ گیا کہ بات بڑھ گئی ہے ۔۔۔۔اس کے گھر والوں نے اس پر پہرا لگایا ہوگا ۔۔۔۔۔۔۔کچھ دن بعد کسی نے مجھے بتایا کہ اس کا رشتہ طے ہوگیا ہے ۔۔۔میں باولا ہوگیا ۔۔۔میں نے معاہدے کی خلاف ورزی کرکے اس سے ملنے کی کوشش کی ۔۔۔۔لیکن سماج میں اپنی عزت مد نظر رکھ کر محتاط انداز اپنایا ۔۔۔۔۔۔ایک دن اس نے فون کرکے بتایا ۔۔۔۔۔۔مجھے بہت دکھ ہے کہ میں اپنے خاندان کی محدود سوچ نہ بدل سکی ۔۔۔۔لیکن یہ بات تو طے ہے کہ میرا دل تیرے پاس ہی رہے گا بلے ہی جسم کئی اور چلا جائے ۔۔۔میں جانتی ہوں کہ ہم دونوں بالغ ہیں ۔۔۔اپنا مستقبل طے کرسکتے ہیں ۔۔لیکن ہمارا ایک فیصلہ نہ ہمارے گھر والوں کو بلکہ بچوں کو بھی رسوا کرے گا۔۔۔۔۔ عزت کو ملحوظ نظر رکھ کر میں گھر چھوڑ کے نہیں نکل سکتی ۔۔۔۔اب جو قسمت میں ہوگا وہی آزمائیں گے ۔۔۔۔۔ میں کچھ سمجھ نہ پایا ۔۔۔۔پہلی بار میں نے فون منقطع کیا۔۔۔۔میرا دل ٹوٹ گیا ۔۔۔۔ میرے سپنوں کا آشیانہ جل کر راکھ ہوگیا ۔۔۔۔میں دیوانہ بن گیا اور بجھا بجھا سا رہنے لگا ۔۔اس کی یاد مجھے بے وقت آتی رہتی اور مجھے جینے نہیں دیتی، میں مکڑی کے جال میں کشمکش کی حالت میں پھڑپھڑاتا سا رہ گیا –
۔۔ادھر اس کے جسم کی ڈھولی اٹھی ادھر میری آرزؤں کا جنازہ ۔۔۔۔میں عشق کی آگ میں جلتا رہا ۔اور سوچتا رہا ۔۔۔اس کے بنا زندگی
کتنی بے رنگ و بے توفیق اور بے مزہ ہے کیوں میں اس عالم حیران میں پرواز نہ کر سکا – کبھی اس آسمان پر، کبھی اس زمین پر، میں نے ان کہی باتوں کے سائے ، ان دیکھی منزلوں کے نشان ، نہ ملنے والی چیزوں کی آرزو مٹانے کی ناکام کوششیں کیں ۔۔۔۔ ایک طرف دل تھا، اور ایک طرف اس کا مکین جس پر یہ بے قابو ہوا تھا،ہوتا ہےاور ہوتا رہے گا، یہ دل اپنے محبوب کے نام کی مالا ، دھڑکن کی صورت میں جپتا رہا دھڑکتا رہا ، سانسیں چلتی رہیں، محبوب کو یاد کرتی ہیں
۔۔۔۔۔۔دو سال اسی کشمکش میں گزر گئے ۔اس نے بیٹے کو جنم دیا ۔۔۔میرے گھر والوں نے بھی میرے لئیے ایک نیک سیرت حور جیسی لڑکی ڈھونڈ لی اور مجھے بھی منا ہی لیا تھا کہ آگ کی طرح یہ خبر پھیل گئی کہ اس کا شوہر ایک حادثے میں جاں بحق ہوگیا ۔۔۔۔۔وہ بیوہ ہوگئی ۔۔۔۔۔میں پتہ نہیں خوش تھا کہ مغموم ۔۔۔۔لیکن میرے دل میں ایک درد جاگ اٹھا۔۔۔۔مجھے اس کے بیوہ ہونے پر افسوس ہوا ۔۔۔۔۔ایک دن میں نے اس کو بچے کے ساتھ دیکھا ۔۔۔۔وہ شاید ڈاکٹر کے پاس جارہی تھی ۔۔۔۔۔میں نے اس کے سامنے گاڑی کھڑا کی ۔۔۔۔۔لیکن اس نے منہ پھیر کر شیر خوار بچے سے مخاطب ہوکر کہا ۔۔۔۔دیکھو بیٹا میں سماج کی نظروں میں گرنا نہیں چاہتی ۔۔۔۔میرا اتیت مجھے رسوا کرے گا ۔۔۔۔۔۔۔میں سمجھ گیا ۔۔۔۔وہ سچ کہہ رہی تھی ۔۔۔۔۔۔اس شام کو جب میں گھر لوٹا تو میرے من میں یہی بات گردش کر رہی تھی کہ میں اس کو بچے سمیت اپناوں گا ۔۔۔۔۔۔میں نے گھر والوں سے بات کی تو ان کا ردعمل دیکھ کر دنگ رہ گیا ۔۔۔۔میری ماں نے کہا ۔۔۔۔۔وہ بیوہ ہے اور بچے کی ماں بھی ۔۔۔۔۔۔۔ہم اپنی عزت کو نہیں گنوا سکتے ۔۔۔۔وہ دو کوڑی کی بیوہ ۔۔۔۔گھر کے باقی افراد کا بھی یہی ردعمل تھا ۔۔۔۔۔میں ششدر ہوکر سوچنے لگا ۔۔۔۔کہ کل تک اونچی زات سے تعلق رکھنے والی خوبصورت خاتون ایک پل میں نچلی زات کی ہوگئی ۔۔۔۔۔اس کے گھر والے بھی راضی تھے لیکن میرا بھاؤ بڑھ گیا تھا ۔۔۔۔میری حیثیت بڑھ گئی تھی ۔۔۔میرا مقام اب اتنا اونچا تھا کہ اس کے گھر والے دیکھنے کی جرات نہیں کر سکے ۔۔میں نے فیصلہ لیا کہ میں یہ ریت توڑ دوں گا ۔۔۔میں زات پات کی حدیں پھاند دوںگا ۔۔۔۔۔۔۔میں جسم کا نہیں روح کا عاشق تھا ۔۔۔۔لوگ یہ سمجھنے سے قاصر تھے۔۔۔۔کچھ چیزیں ناقابل فہم حد تک حیران کن ہوتی ہیں – سمجھ سے باہر، ادراک کی حدوں سے آگے ، عجیب اسرار میں لپٹی ہوئی کچھ چیزیں بہت پریشان کرتی ہیں – اس عشق کو ہی دیکھ لیں- عشق کیا ہے؟ عشق عشق ہے …اس کی شدت کا اندازہ ایک عاشق ، سچا عاشق ، نیک نیت عاشق ہی لگا سکتا ہے۔۔۔ میں نے چار ماہ اور دس دن کے بعد اس کو خود شادی کا پیغام دیا ۔۔۔۔۔اس نے بیٹے کو گود میں لے کر کہا ۔۔۔۔۔پہلے تم میری جان تھے لیکن اب میرا بیٹا میری جان ہے ۔۔۔۔میں نے ننھے ننھے منے بچے کو اپنی گود میں لے کر کہا۔۔۔۔اور تیری جان اب میری جان ہے ۔۔۔۔وہ مسکرائی ۔۔۔۔۔پھر نہ وہ بیوہ رہی اور نہ اس کا بیٹا یتیم ۔۔۔۔۔ذات پات اور رسم و رواج کی دیواریں گر گئیں ۔۔۔۔چمن آباد ہوا ۔۔۔عشق کی جیت ہوئی اور رسموں رواجوں کی ہار ۔۔۔۔
ملک منظور قصبہ کھُل کولگام
