ڈاکٹر کوثر سلطان
ٹھُک دیُت واوَن
شمع ژھیو
نہَ دأر نہَ دۄس نہّ کانہہ اَند
کرٕہا تہٕ کیاہ
ژھُنُن پان کُلن الوٗند
کنی شیچھ کٔرٕن ؤتھَرس ؤتھرَس
أویل ذأویُل پان بوڈُس مُشکہٕ
روٗدٕسٔری پانس
رُم رُم لٔج تر
ترِہَتِس واوس کیتھہٕ کرِ مُروَتھ
آ شاید ما ولہِ پرون سریہُل شال
میانہِ وجوٗدُک رازدار
مکر
تر ۂتس واوس ووے نہٕ فضا
لاینہ آو وجوٗدک رازدار
کلن الوند سٔری تر ہوت ژھاران شَرَن
کتہِ شَرَن دِمَس
مے ووت پتھ کال تا ازکال ژھاران شَرَن
کوت گژھو کیاہ کرو
وَنَس کیاہ
مے وأژ وأنساہ
رُنیومُت شال ؤلتھ
آوارٕ سڑکن لژھ ڈوان
تہٕ نوٗنہٕ دَکہٕ دی دی
اوش وانہِ روٗحس سران دوان
مے چھنہٕ ترلکان
تسَ بچارس لٔج تر
روٗد چھنا تُرُن آسان
مگر
اوش وأنِس چھ سماجک تَژر
مے چھنہٕ زانہہ تر لگان
أچھن منز چھُ وومیدَن ہند الاو
سہُ الاو
ژھیو نہٕ زانہہ ؟
واے؟؟؟؟
