آفاقؔ دلنوی
وُتھ مَژر بیہ خیالِ خامس چون
دود للوُن چُھ دردء نامس چون
خونِ دل چُھس اچھو توئے ہاراں
تیر لوگمُت چُھ سیود نشانس چون
لوسمژء چشمہ چُھیم منگاں دیدار
شوق پھرواں مے لامکانس چون
کیازِ گنڈتھی بہ تھاونَس پنجرس ؟
دشِی کراں شکوء آستانس چون
بابہ لگیوبلایہ سونہ پانس
ناؤ لیکتھ سجاں چُھ بانس چون
چُھس تماہ زیرِ ریزء ریزء گژھُن
دِل جراں خواب أنہ خانس چون
گٹہ زلن منز گُپتھ وُچھاں آفاقؔ
نورِ نوراں پھولِتھ جہانس چون
دلیون ورمُل کشمیر۔۔۔۔رابطہء نمبر 7006087267
