نادم شوقیہ
ہومہ آنگنی درایو سوداگر
ماوچُھتھن دارس پران پنُن
ییمہ آنگنی از چُھنہ بود گژھان
صُلحہ اوسُم بر پیٹھ ناد دِوان
وولہ نیر نیبر چُھوی تازٕ ہوا
وِچھ بنگرِ انیم رنگہ واجہ انیم
زُلفن کیوت اونمے کرمیزی رنگ
ہٹہ اونمے لاگُن زأوُیل پن
شرونہ کروٕنی اونمے رونہ پایل
کنہ دوٗرن اونمے نقشہ بدل
وولہ نیر نیبر چُھوی تازٕ ہوا
ٹھور کاسیم کُس ییلہ نیرٕ نیبر
چُھم سونچ پرہس ووتلاوان
ییہ موختہ پھلین پنہ داو ژھنیتھ
چَھنہ پوشن آسان وأنس گُتج
کانہہ رنگ نہ پوشان نالی زچن
بس رونہ ٹھس پوشان سحرس تام
نَرِ لاگیتھ بنگرین ژأن گژھان
اکھ اکھ نظر نیلام گژھان
موت یاوُن راوآن پہرس منز
دون چشمن روزان تریش پوتُس
ہومہِ آنگن درایو سوداگر
ما وُچھتھن درارس پران پنُن
