فہمیدہ سوپوری
گٹہ زلہ چھے گاشراواں کاشر زبان سانی
پرزنتھ چھِ زندہ تھاوان کاشر زبان سانی
اچھری چھِ لالہ مرجان زن مختہ وچھ یہ پریز لاں
سیر اسرارچھ باوان کاشر زبان سانی
لل ماجہ لول برنس ادبک خزانہ جرنس
ادہ واکھ کیاہ چھہ باوان کآشر زبان سآنی
ادبچہ ماجہ کورنے عرفانہ نور حاصل
شربت ایمچ چھِ چاواں کاشر زبان سانی
نندہ ریش تہ پھانپھ لاوی شوریکی شیخہ باوہ ناوی
وحدت تہ لول چھاواں کاشر زبان سانی
دزہ ون سہ ژونگ تھوون واو ہالہ گاش ہوون
علمک یہ تہہ چھ پراواں کاشر زبان سانی
قومچ چھہ سانہ پرزنتھ باواں چھ از حقیقت
وچھ لول کیاہ چھِ ورتاںکاشر زبان سانی
زیو سانی یس چھِ کاشر تہذیب اسہ چھو کاشر
کاشر قرآن چھِ گنگراں کاشر زبان سانی
شیروشکر چھِ چاواں دل سان بولہ ناواں
فہمیدہ رْژ تہ بییہ جانکاشر زبان سانی
