کلام :شیخ امان
وَن سا نصیب میانے کیوٗتھ گوژھ گُزار آسُن
ژلہ نم مے داد ساری لرِ گوژھ سہُ یار آسُن
کورنس سیٹھاہ بہ مجبور ژل مے نشی ژ وُنہِ دور
کوتاہ بھروسہ چھُم چون مے گوژھ شُمار آسُن
گرمس تہِ کرایہِ بدلے سردس تہِ تر ہٹکے
ہردس تہِ پن ننچ کام بس گوژھ بہار آسُن
رِخ لجمژ مے زمانی ژے رُس چھُم قرار ڈلنی
تھوکمت چھُس ژے ونانی گوژھ چون پیار آسُن
آفتاب تیوتھ تہِ پرزلے امانؔ چھے خبر ژے
زوُن تہِ چھِ مندچھانی لرِ گوژھ ستار آسُن
