ازقلم۔۔۔شوکت ثاقب پوشپورہ
موجی ینے مے راوکھ گژھنم کباب جگرس
اڈ وتِہ ینے مے تراوکھ گژھنم کباب جگرس
موجی ژے روس مے باسان اکھ ژوہ چھ زنہ قیامتھ
زانہہ ینہ کُنے مے تھاوکھ گژھنم کباب جگرس
ہول کول اگر چھسیے بو چونوے بہ خانہ مولُیے
ینہ کالئ مے مشراوکھ گژھنم کباب جگرس
سرمایہ چھکیھ ژء میونُے چونے مے ساتھ پوشنی
اتھ پیٹھ اگر نہ تھاوکھ گژھنم کباب جگرس
پوشنی مے تا قیامت چونوے یہ خانہ ماجر
دوریر اگر ژء ہاوکھ گژھنم کباب جگرس
لگہ ہے بلایہ پائین وندہے پننہ ہٹیُک رتھ
ینہ زانہہ مے ودناوکھ گژھنم کباب جگرس
ثاقب منگان خودایس پوشنی مے ماجہ ہنز ستھ
یُود نَے ژء پوشہ ناوکھ گژھنم کباب جگرس
