عاشق حسین زاہد شیخ پورہ ہرل
علم جھی رحمتے باری علم چھی نور انسانو
علم چھی سوز جگرس کیژھ علم سنطور انسانو
علم چھی سورت الفاتحہ علم بقرہ تہِ سورے ناس
علم چھی دُن اچھن کیژھ گاش سورے نور انسانو
علم گو وتھ رٹیے سیزرچ علم گو کتھ ونیے پزُرچ
علم گو مآر مُند قرآن ژیے کیژھ دستور انسانو
علم رکابہ کھورنیے کیژھ اتھن منز راس زنہ آساں
علم گو رُت پرُن پرنس عمل بر پور انسانو
چھُ دنیا ناو سودریس منز علم امہ نایہ ہند ہم تل
ژ رٹھ ہم تل گژھی حآصل مُدا ضرور انسانو
ژواں لوکھ علم باپتھ شہروگامن کوہ بیا بانن
محمدﷺ غارِ ہرہس کون تہِ موسٰی طور انسانو
علم حاصل کرُن ذاتن ژ دوپنیے چھی فرض لآزِم
دَون پیتن ژ ملکے چیٖن تمہ کھوتہ دور انسانو
