افسانہ نگار:بشیر اطہر
سلیم نس خاندارس أسی مؤمتس ژور ؤری گأمتی تہ سؤ أس تس ژُورم کرنہ پتہ ہمیشہ صبحأے گھرہ نیران تہ شامنس واپس یوان ہمسایہ أسس ہمیشہ کتھہ کران روزان زِ از تہ درایہ بییہ صبحأے صبحأے، گأنی، خاندار مرنہ پتہ گیہ سخ خراب تہ دؤہی دؤہس چھے خبر کمن یارن سأتی پھیران آسان، شُری کرن خراب۔۔۔۔
لُوکھ تہ ہمسایہ أسس نہ ؤں پنن گھرہ تہ دوان یِنہ۔ دپان أسس یہ کرہ سانین کورین تہ خراب۔۔۔۔۔ مگر یہ بچأر أس یہ سوروئی ژالان تہ پنہ نین شُرین پالان۔۔
مگر از ییلہ نہ سؤ شامنس گھرہ واپس آیہ شُریو تُلس ودنس ہؤئی ہمسایہ گے پریشان تہ لگی تس ژھانڈنہ۔ أخر وأتی تم پے لبان لبان کھؤجہ رحیمن گھرہ یتہ سؤ دؤہس مؤزوری مشقت کرتھ شُرین پالان أس۔ تمس اوس امہ دؤہہ دِلُک دورہ پیومت تہ مألکن تہ مألکنہ ہسپتال نیمژتوے اوسس ژیر گؤمت۔۔۔
لوکھ وأتس ژھانڈان ژھانڈان تُوری ۔۔۔
ییلہ مألکنہ لکھ وُچھ سؤ گیہ خوش۔ تہ دؤپنکھ یہ أس ہمساین ہندی تعریف ہمیشہ کران آسان۔ از گے أمس بچارہ سأنس گھرس منز برابر ژور ؤری کأم کران، تہ أس خوش آسان تہ أس ونان آسان زِ ہمسایہ چھم نیک توے چھیس شری گھرے تراوان تہ بے فکر روزان۔۔۔ ہاۓ! از پیوس بچارہ خانہ دار یاد تہ ژجس کریکہ نیرتھ تہ آیہ پتھر لاینہ۔ ؤں چُس خأرے۔
مگر سلیمہ أس ہمساین مُدے گنڈتھ وچھان تہ کھوجہ بایہ ہنزہ کتھہ بڑہ اطمینان ساند بوزان تہ کھوجہ بایہ ہنز کتھ ژٹتھ وؤنن لوکن ز میأنی شُری کتہ چھہ۔
127
