غزل
اشرف بابا
معشوق کی محفل میں کہئے وہ حالِ پریشاں کیسے ہیں
جوعشق میں جل کر خاک ہوئے وہ چاک گریبان کیسے ہیں
رسموں سے لیکر قسموں تک جو ساتھ نبھاتے آئے ہیں
جو دل کی رونق بن بیٹھے راحت کا وه ساماں کیسے ہیں
وه قاصد میرا خط میرے دشمن کو جا کر دیتا ہے
میں سوچوں میری حالت سے اب تک وه انجاں کیسے ہیں
اس شہر خموشاں میں آکر میں دیکھنے آیا ہوں اسکو
اے حسن کی دنیا کے راجہ آقائے غلاماں کیسے ہیں
آرام کو چھوڑ کے اشرف تم صحرا صحرا کیوں پھرتے ہو
باغوں میں جاکر دیکھو تو وہ رشکِ بہاراں کیسے ہیں
