غزل
کوثر منظور خان بٹہ گنڈ قلم آباد ماور
ہاوی نَم مے سبز باغ کیاہ کرٕ ہَو
تَن ہمہ داغ داغ کیاہ کرٕ ہَو
وأناکھ سیاہ راتھ تہٕ چھُس بہٕ کنُے زُن
راتہٕ موغلٕے چھٕ گیواں راگ کیاہ کرٕ ہَو
تاوٕ کراین اندر چھُس بہٕ ۂندریومُت
ہارس مے سپدُم پوہ تہٕ ماگ کیاہ کرٕ ہَو
ترأو زُوٕچ برانتھ واو وولیاو تہٕ رٔٹ
ناو آوٕلنی منز باغ کیاہ کرٕ ہَو
نَب چھُ چھیکاں نار پھہہ پھہہ چھِ کراں لوٗکھ
یَتھ بُترأژ پیٹھ ہوکھی ناگ کیاہ کرٕ ہَو
ٹاو ٹاو کراں بوو گاٹُل کاو
وُنُن کوثرا ڈول لاگ کیاہ کرٕ ہَو
