آفاقؔ دلنوی
دلنہ بارہمولہ کشمیر
کرے پادن فِدا زو جان موجی
مے کوتاہ چون چُھم احسان موجی
ہلالکی پاٹھی چھیکھ پرزلان موجی
مے کوتاہ چون چُھم احسان موجی
ژءچیکھ سرء بوج ژی چیکھ میانی ساتھی
ژے روس کس باؤ اے موجی بہ دادی
تُلاں چیکھ ژی دوخن پُرسان موجی
مے کوتاہ چون چُھم احسان موجی
وداں یلہ چُھس ژء چیکھ نا کھونہ مے للواں
گہے ژھلواں گہے امارء ملواں
تہ اللہ ھو تہِ ژی ونوان موجی
مے کوتاہ چون چُھم احسان موجی
ہُنر زندء روزُنک ہیچھنوتھم ژیی
طریقا لسنہ بسنُک ہوتھم ژیی
تہ ژیی پوختؤتھم ایمان موجی
مے کوتاہ چون چُھم احسان موجی
چُھ چانے مئرِ زنم لوبمُت رسولوؑ
تہ چانے بیبِ شرف لوبمُت اصولو
ژء چھیکھ دولت تہ ژی دھنوان موجی
مے کوتاہ چون چُھم احسان موجی
ژء چھیکھ منز تاپہ کراین ابرِ رحمت
محبت ژی تہ ژی چھیکھ دستِ شفقت
بہ زأئر تے ژء چیکھ استان موجی
مے کوتاہ چون چُھم احسان موجی
تمنّا یی کراں آفاقؔ ہر دم
زِ پوشن چون دُعا ہر آنہ ہر دم
یہے چُھم منز دِلس ارمان موجی
مے کوتاہ چون چُھم احسان موجی
