گُلہ سادن کٔر شُرنئ تہ گُپہ باورن دِژ ووگہ کنئ کریکھ۔
متشاعرن ہند مشاعرہ ہا ہوووووووو۔۔۔۔
ادہ پتہ متہ بوزتو متشاعر پھٹی ہیڈرن ہندئ پاٹھی تہ کھتی دوسن دیوارن۔ پتہ بوزکھ زہ از چھنہ مشاعرہ بلکہ مشاعرہ کرنہ باپتھ میٹنگ۔ متشاعر وتھی بُتھ ژکراوتھ دوسو پیٹھ بون تہ لگی پننہ پننہ بے کاری ہند کار کرنہ۔
یپارئ لج انجمنِ ناس تراسچ ہنگامی میٹنگ۔ اتھ منز آسی رجسٹرڈ بے کار زیٹھ ژُکونل تشریف تھااوتھ تہ کینہہ دربدرئ ٹُچرِ باز موبائیل ہیتھ عکس بندی کران۔ انجمنک منشی جی اوس اخبارن کیوت رپورٹ تیار کران تاکہ میٹنگہ ہنز کاوائی واتہ کالہ کالے اخبارن، ریڈیو تہ ٹیلی ویژن تہ صبحن آسہ لار پیٹھ دار تام میٹنگ ہنز ہوہرائے ۔ کتھن آو اکہ اکہ دل دنہ زہ مشاعرہ کتھ جایہ کرو۔ کتھ پااٹھی کرو۔ گوڈہ کُس کرہ بوزن والین شوگر کوٹِڈ استقبال تہ آخرس کُس کرِ تِمن اختتامی تھنہ پھش۔امہ علاوہ آو یتھ معاملس تہِ دل دنہ زہ کس متشاعرس کژدرجن واہ واہ ین کرنہ۔ شالہ پٔٹ کس ییہ ولنہ ۔ یتہ آو فیصلہ کرنہ زہ سارنے شامل متشاعرن ییہ اکھ اکھ سند عطا کرنہ تاکہ تم بنن سند یافت متشاعر۔ اتفاقِ راے سان سپد طے زہ مشاعرہ سپدِ شودہ گلی منز کھارہ وان تھرس پیٹھ۔
گُلہ سادہ تہ گُپہ باورہ آسئ چائے باگراوان۔ تہ أتھی منز ووتھ مسئلہ زہ مشاعرس کُس کرِ صدارت۔ أکی وون اکھ ناو تہ بیئ وون بیاکھ۔ کتھ واژایہ نالن تھپھ تراونچ زہ کمی تام وون سُلہ بازئ گارتھاوہون صدارتس۔ تس کورکھ فون تہ تمئ دوپکھ بہ یمہ مگر ووزج کپر ژادر تراوزیو مے پھیکس پیٹھ تہ بییہ ینہ اور گپلہ کاژُر نظرِ گژھِ۔سُہ چھ فوٹو سیشن موکلتھے تھرڑ تھاوان تہ پتہ چھ اخبارن تسندُے یوت فوٹو چھپان۔
میٹنگہ منز آو فیصلہ کرنہ زہ اتھ مشاعرس کرن واٹر مِلک کمپنی وألئ شونگرِہ قہوہ سپلائی تکیازہ چلہ کلان چھ ینہ وول۔
ساروے ممبرو کور اتفاق زہ میٹنگ وأژ کُنہ اتفاق ورأے اند۔ ۔۔۔۔
