“عملِ ستی چِھ زندگی”

سبَدر شبیر….اوٹو اہربل

سۄمرتھ ویوٗر چُھم اویزان
یس عمل سُہ چُھ جان
زلُر چُھ ژھل ہیتھ پراران
یس عمل سُہ چُھ جان
کۄکل چِھ گیوان
ثتُت چُھ بوزتھ کریشان
ہوش ڈلتھ چُھ برسان
یس عمل سُہ چُھ جان
بلبل چُھ نالان
راتہٕ منگُل چُھس گاران
راتہٕ مۄنگلس نہ رنگ نہ نشان
یس عمل سُہ چُھ جان
رییہ چِھ کرییہ پھل وٹان
منزل ژٹھتھ اوول رٹان
تتہِ گریٹہ کڈان پرنہ چھانان
یس عمل سُہ چُھ جان
کۄکُر چُھ شکر پران
پرتھ وزِ بانگ پران
فکر نَے کرِگژھہ وآران
یس عمل سُہ چُھ جان
پۄنپرس شمعہک چُھ ارمان
رندٕ بنتھ زندے دزان
تہِ کٔرتھ تہِ پشیمان
یس عمل سُہ چُھ جان
پِندچ چِھ رندچہ گندان
ژھٔلی بٔلی چھِ یوان
تُرکۓ چُھکھ ہیس جان
یس عمل سُہ چُھ جان
انز چُھ برینز گنزران
نون غاب چُھے لیکھان
سرون چُھکھ بن دیوان
یس عمل سُہ چُھ جان
شہمار چُھ أندۍ أندۍ نژان
نالی ینہٕ گژھی وول پان
ژلی سۄن ہیتھ بیہ ایمان
یس عمل سُہ چُھ جان
سبدرؔ یہِ چُھ آخر زمان
کالی رب کرِ سارسے فان
گارُن خۄدا تہٕ نبی آخر زمان
یس عمل سُہ چُھ جان