جنید رشید راتھر (طلحہ )
ہر اکس یتئ لارِ لار
بازرس آمژ بدلہ سرکار
سپدان وتن پٹھ مار ِ مار
، بازرس آمژ بدلہ سرکار
کانسہ نہہ پھوران یتی کتھ
منشور تہندؤ قتل غارتھ
مقبول تہ کھولک تختہ دار
بازرس آمژ بدلہ سرکار
ہر اکس یتی لار لار
بازرس آمژ بدلہ سرکار
نیوان اپزک وعدہ کریتھ
تھاوکھ جیل خانہ بریتھ
ماجن راوان جگرک قرار
بازرس آمژ بدلہ سرکار
ودان ودان سپد روء
شامِ ژھاین ژونگ ژھو
بانگ ِ خوفتن وتھ گٹکار
بازرس آمژ بدلہ سرکار
ہر اکس یتہ لار لار
بازرس آمژ بدلہ سرکار
سپدان وتن پٹھ مار مار
بازرس آمژ بدلہ سرکار
تریشہ بدل چھاوکھ زہر
کفن دتّکھ بدلہ مہر
چشمن لچمژ دار دار
بازرس آمژ بدلہ سرکار
ہر اکھ یتہ چھ نالہ دیوان
نلکہ پیپن تام ودان
شاعر لیکھان تمی شعار
بازرس آمژ بدلہ سرکار
بنِّ گیوان لولک نامے
بایس ولان کفن جامے
رٹھان گہ تم اند مزار
بازرس آمژ بدلہ سرکار
ہر اکس یتہ لار لار
بازرس آمژ بدلہ سرکار
طلحہ تہ باوان شہرک حال
ژوپار یتہ چھ اپزک جال
بر نیزس لددکھ کردار
بازرس آمژ بدلہ سرکار
