سری نگر:۱۶،اکتوبر//کانگریس صدر سونیا گاندھی نے ہفتہ کو جموں و کشمیر میں شہری ہلاکتوں کی مذمت کرتے ہوئے کہا کہ وادی میں اقلیتوں کو واضح طور پر نشانہ بنایا جا رہا ہے ۔انہوں نے مزید کہا کہ یہ مرکزی حکومت پر منحصر ہے کہ وہ مرکزی زیرانتظام علاقہ میں سماجی امن اور ہم آہنگی کو بحال کرے۔ جے کے این ایس مانٹرینگ ڈیسک کے مطابق کانگریس ورکنگ کمیٹی میٹنگ میں اپنے خطاب میں ، کانگریس صدر سونیا گاندھی نے بھارت چین سرحدی صورت حال پر مرکزی حکومت کو بھی تنقید کا نشانہ بنایا ، اور اس مسئلے پر وزیر اعظم نریندر مودی کی خاموشی پر سوال اٹھایا۔سونیا گاندھی نے کہاکہ حالیہ دنوں میں جموں و کشمیر میں ہلاکتوں میں اچانک اضافہ ہوا ہے،اور اقلیتوں کو واضح طور پر نشانہ بنایا گیا ہے،اس کی سخت ترین الفاظ میں مذمت کی جانی چاہیے۔کانگریس کی عبوری صدر نے کہاکہ ہم نے ایسا کیا ہے اور میں آج صبح دوبارہ کرتی ہوں ۔سونیا گاندھی کاکہناتھاکہ جموں و کشمیر2 سالوں سے ایک مرکزی علاقہ ہے۔انہوںنے کہاکہ ان وحشیانہ جرائم کے مجرموں کو انصاف کے کٹہرے میں لانے کی پوری ذمہ داری مرکزی حکومت کی ہے۔ کانگریس کی عبوری صدر نے کہا کہ جموں و کشمیر میں لوگوں کے درمیان سماجی امن اور ہم آہنگی اور اعتماد کی بحالی بھی مودی حکومت کے ہاتھ میںہے۔سونیا گاندھی نے مزیدکیاکہ ہمیں اپنی سرحدوں اور دیگر محاذوں پر سنگین چیلنجز کا سامنا ہے۔ وزیر اعظم نے گذشتہ سال اپوزیشن رہنماؤں کو بتایا تھا کہ چین نے ہماری سرزمین پر کوئی قبضہ نہیں کیا اور اس کے بعد سے اس( وزیر اعظم )کی خاموشی ہماری قوم کو مہنگی پڑ رہی ہے۔انہوں نے یہ بھی کہا کہ خارجہ پالیسی موجودہ حکومت کے لئے انتخابی متحرک اور پولرائزیشن کا ایک شیطانی آلہ بن چکی ہے۔
69
