اسکول ، کوچنگ سینٹربدستور بند رہیں گے،ویکسین کی دونوں خوارکیں لینے والوںکوبغیر ٹیسٹ جموں وکشمیر آنے کی اجازت
سری نگر// جموں و کشمیر انتظامیہ نے اسکولوں اور کوچنگ سینٹرز کو اگلے احکامات تک بند رکھتے ہوئے، یونیورسٹیوں اور کالجوں سمیت اعلیٰ تعلیمی اداروں کو آف لائن کلاسیں دوبارہ شروع کرنے کی اجازت دی ہے بشرطیکہ تمام عملے اور طلباء کو مکمل طور پر ویکسین دی جائے۔ایک اور اہم فیصلے میں ، انتظامیہ نے ان لوگوں کے لیے لازمی کووڈ19 ٹیسٹنگ کو روکنے کا بھی فیصلہ کیا ہے جن کو ویکسین کی دونوں خوراکیں مل چکی ہیں۔کشمیرنیوز سروس (کے این ایس )کے مطابق جموں و کشمیر میں اعلیٰ تعلیمی ادارے بشمول یونیورسٹیوں اورکالجوں کھولنے کا انتظامیہ کا فیصلہاپریل2021میں کوویڈ19 کی دوسری لہر کے پھیلنے کے بعد بند ہونے کے تقریبا ً چار ماہ بعد آیا ہے۔چیف سیکرٹری ڈاکٹر ارون کمار مہتا نے بطور چیئرپرسن اسٹیٹ ایگزیکٹو کمیٹی (ایس ای سی) کی حیثیت سے اتوارکو کوویڈ مینجمنٹ کی تازہ ترین ہدایات جاری کیں۔انہوں نے یہ بھی فیصلہ کیا ہے کہ لکھنپور میں داخلی مقام پر کوویڈ 19 کے ٹیسٹ کو ان لوگوں کیلئے لازمی قرارنہیںدیا جنہوں نے ویکسین کی دونوں خوراکیں حاصل کی ہیں اورساتھ ہی انتظامیہ نے ویکسین والے افراد کو پبلک پارکوں میں داخلے کی اجازت دی ہے۔اسٹیٹ ایگزیکٹوکمیٹینے کہاکہ لکھن پور میں داخلے کے مقام پر (جو کہ جموں و کشمیر کا گیٹ وے کے طور پر جانا جاتا ہے) ، کوویڈ جانچ ان لوگوں کیلئے لازمی نہیں ہوگی،جنہوں نے ویکسین کی دونوں خوراکیں حاصل کی ہیں بشرطیکہ قابل اعتماد اور قابل تصدیق نظام بنایا جا سکے۔ میڈیکل ٹیم کی مشاورت سے ۔کوروناکی صورتحال کا تفصیلی جائزہ لینے کے بعد جاری کردہ حکم میں نئے کیسز (فی ملین) ، مجموعی مثبت شرح ، بستر پر قبضے ، کیس اموات کی شرح اور ہدف آبادی کی ویکسینیشن کوریج پر توجہ مرکوز کرتے ہوئے ، ایس ای سی نے حکم دیا کہ تمام اسکول اور کوچنگ سینٹر اگلے احکامات تک آن سائٹ یا ذاتی طور پر پڑھانے کیلئے بند رہیں گے۔تاہم ، اعلی تعلیمی اداروں کو اجازت دی جاسکتی ہے کہ وہ ذاتی طور پر تدریس شروع کریں جو کہ 100 فیصد عملے اور طالب علموں کی ویکسی نیشن اور متعلقہ ڈپٹی کمشنروں کی مخصوص اجازت کے ساتھ ہو۔اسٹیٹ ایگزیکٹوکمیٹی نے کہا کہ ایسے ادارے ضلعی انتظامیہ کی مشاورت سے خصوصی ویکسینیشن کیمپ لگاسکتے ہیں۔ڈاکٹرارون کمارمہتا نے کہا کہ دوسرے تعلیمی ادارے انتظامی مقاصد کیلئے ٹیکے لگائے گئے عملے کی حاضری کی اجازت دے سکتے ہیں۔خیال رہے کوروناوائرس کے پھیلاؤ کو روکنے کے لئے اُٹھائے گئیاقدامات کے ایک سلسلے میں ، جموں و کشمیر انتظامیہ نے رواں سال18 اپریل کو تمام احکامات بشمول یونیورسٹیوں اور کالجوں کو اگلے احکامات تک بند رکھنے کا حکم دیا تھا۔انہوں نے کہا کہ پبلک پارکوں میں ویکسین والے افراد کو داخلے کی اجازت دی جا سکتی ہے۔یہ فیصلہ کیا گیا کہ زیادہ تر کوروناپر قابو پانے کی ہدایات ، بشمول رات کا کرفیو ، اور ضلعی مجسٹریٹس کو سختی سے اس بات کو یقینی بنانے کی ہدایت کی گئی ہے کہ کورونامناسب رویے کی مکمل تعمیل ہو اور نادہندگان یاخلاف ورزی کرنے والوں کیخلاف مینجمنٹ ایکٹ اور تعزیرات ہند کے تحت ساتھ سختی سے نمٹا جائے۔
