کلام :ڈاکٹر کوثرسلطان
مُژر گَنڈشوقہٕ کن امارَن
بیاکُل گو منہٕ کونچھ صدا
تُلہ کترِس تھَپھ کٔری کرٔی وۄتليوو
سُہ تاپُر ژیُہہ
مُشک ژھٹان یاوُن اختابُک
شیشو منٔزی گتھ کران رَو
پرَو پرَو ژھایہ گٍندان أنی تھوپٍس
وسہٕ وُنی کھَسہٕ وُنی رَو آرَزُو
مندنین دوہ تے دُپہرُک پَہَر
گَرِ ہُند ٹِک ٹِک
سوغاتھا ہلمَو ہلمَو رَٹھ
آنگنی بَہہ وتھ میؤٹھ ہواوَس
وسہٕ وُنی کھسہٕ ونی رَو آرِزو
دَمہٕ دَمہٕ چھاوَو مٔتی تاپہٕ پَہَر
تاپُر ژیُہہ ژیہہ رٔچھتھ تھاوَو
منس اندر کھٹِتھ تھاوَو
خبَر چھا!!!!!!!!!!!!
دُبار
ہَرُد ما پھَرِ
خبرچھا؟؟؟؟؟
دُبار
ہَرُد ما پھَرِ
