مقامی لوگوں میں تشویش،محکمہ ڈرگ نے دی کاروائی کی یقین دہانی
گاندربل/ندائے کشمیر/مختار احمد
گاندربل کے گنڈ رحمان جنگلاتی علاقے میں نامعلوم افراد نے لاکھوں روپئے کے مالیت کا صحت بخش ادویات ایک نالے میں ڈال کر ضائع کی ہے تاہم محکمہ ڈرگ کنٹرول کو خبر ملتے ہی محکمہ کی ایک ٹیم نے موقعے پر جاکر ضائع کی گئی ادویات اپنی تحویل میں لیکر تحقیقات شروع کردی ۔ اس حوالے سے محکمہ ڈرگ کنٹرول کے ذمہ داران نے بتایا کہ اس حوالے سے پوری چھان بین کی جائے گی ۔انہوں نے مزید کہا کہ وہ یہ سمجھنے سے قاصر ہیں کہ یہ دوائی کہاں سے آئی ہے تاہم وہ Batch نمبرات کی مدد سے اس کا پتہ لگائیں گے ۔انہوں نے کہا جو بھی میڈیکل شاپ مالکان ہیں ان سے کہا گیا ہے کہ وہ Expired دوائی کو تین ماہ قبل ہی سٹاک سے نکال دیا کریں اور اس کو واضع کئے گئے طریقوں سے ضائع کیا کریں۔مقامی لوگوں نے بتایا کہ جس نالے میں یہ دوائیں ضائع کی گئی ہے اُس نالے کا پانی لوگ پینے کیلئے استعمال کرتے ہیں ۔انہوں نے حکام سے مطالبہ کیا ہے کہ وہ اس سلسلے میں تحقیقات کریں ۔واضع رہے گزشتہ سال بھی ملہار شاہی باغ علاقے میں کھلے میں آیوش کی دوائیوں کو ضائع کیا گیا تھا۔جس کے بعد محکمہ نے ایک کمیٹی تشکیل دے کر تحقیقات شروع کرنے کی یقین دہانی کرائی تھی ۔،تاہم آج تک اس میں ملوث افراد کے خلاف کی گئی تحقیقات کی رپورٹ عوام کے سامنے نہیں لائی گئی۔
