بڑی تعداد میں شائقین کی آمد متوقع
پلوامہ/ندائے کشمیر /تنہا ایاز/
سپورٹس سٹیڈیم پلوامہ میں جاری رائل کرکٹ ٹورنامنٹ کا فائنل میچ 15 جون کو کھیلا جائے گا۔فائنل میں مراد کرکٹ کلب کا مقابلہ رائل کرکٹ کلب قصبہ یار سے ہوگا۔ٹورنامنٹ کے آرگنائزرز کی جانب سے انتظامات کو حتمی شکل دی جارہی ہے ۔تفصیلات کے مطابق رائل کرکٹ ٹورنامنٹ پلوامہ کے تیسری ایڈیشن کا فائنل میچ 15 جون بروز اتوار کو ضلع سپورٹس سٹیڈیم پلوامہ میں رائل کرکٹ کلب اور مراد کرکٹ کلب کے درمیان کھیلا جائے گا ۔فائنل کی اختتامی تقریب میں کئی شخصیات کی امد متوقع ہے۔دونوں ٹیموں نے اس ٹورنامنٹ میں شاندار کارکردگی کا مظاہرہ پیش کرتے ہوئے فائنل تک رسائی حاصل کی۔دونوں ٹیموں میں اچھے کھلاڑی موجود ہے۔ فائنل میچ میں کانٹے کی ٹکر متوقع ہے۔ٹورنامنٹ کے چیف ارگنائزر بٹ عرفان سرکار نے بتایا کہ اس ٹورنامنٹ کا بنیادی مقصد کرکٹ کھیل کو فروغ دینے کے ساتھ ساتھ نوجوانوں کو منشیات کی وبا سے دور رکھنا تھا۔انہوں نے مزید کہا کہ ٹورنامنٹ کے فائنل میچ کے اختتامی تقریب میں کئی شخصیات کو مدعو کیا جا رہا ہے ۔مقامی سطح پر کرکٹ کو فروغ دینے اور نوجوان کھلاڑیوں کو پلیٹ فارم فراہم کرنے کے مقصد سے منعقدہ اس ٹورنامنٹ میں شائقین کرکٹ کی دلچسپی قابل دید رہی ہے اور فائنل میچ کے دوران بھی بڑی تعداد میں تماشائیوں کی آمد متوقع ہے