دینی، سماجی، ادبی اور صحافتی حلقوں کا اظہار رنج
پلوامہ/ندائے کشمیر /تنہا ایاز/
پلوامہ کے سینئر جنرلسٹ اور آل انڈیا ریڈیو کے نامہ نگار میر نذیر کی چاچی میر راجہ بانو ساکنہ آچھن پلوامہ انتقال کرگئیں۔ان کی وفات پر کئی دینی، سماجی، ادبی اور صحافتی حلقوں نے سخت افسوس کا اظہار کرتے ہوئے لواحقین کے ساتھ تعزیت کی ہے۔تفصیلات کے مطابق پلوامہ کے معروف صحافی میر نذیر کی چاچی میر راجہ بانو کی وفات پر سماج کے مختلف طبقوں نے سخت رنج و غم کا اظہار کیا۔جرنلسٹ گلڈ آف پلوامہ نے مرحومہ کی وفات پر دکھ اور صدمے کا اظہار کرتے ہوئے دعا کی کہ اللہ تعالی مرحومہ کو جوار رحمت میں جگہ عطا فرمائے۔ اس دوران جرنلسٹ گلڈ آف پلوامہ کے ایک وفد نے مشتاق الاسلام کی قیادت میں آچھن جاکر وہاں میر نذیر اور دیگر لواحقین کے ساتھ تعزیت اور ہمدردی کا اظہار کیا۔وفد میں غازی خورشید،معروف کرکٹر ارشد ماگرے،تنہا ایاز،سماجی کارکن محمد الطاف بٹ اور توصیف احمد خان کے علاوہ دیگر افراد شامل تھے۔ جرنلسٹ گلڈ آف پلوامہ کے صدر جاوید صوفی نے آل انڈیا ریڈیو کے نامہ نگار برائے پلوامہ میر نذیر کے چاچی کی وفات پر صدمے کا اظہار کرتے ہوئے کہاکہ غم کی اس گھڑی میں جرنلسٹ گلڈ مرحومہ کی مغفرت درجات کی بلندی اور پسماندگان کے لیے صبر و جمیل کیلئے دعا گو ہے ۔ادھر ندائے کشمیر کے مدیر اعلی معراج الدین فراز ، ہفتہ روزہ شہر بین کے ایڈیٹر شکیل ازاد اور سرینگر رپورٹر کے چیف ایڈیٹر عبدالروف خان نے میر نذیر کی چاچی کے انتقال پر زبردست دکھ کا اظہار کرتے ہوئے غمزدہ خاندان کے ساتھ تعزیت اور ہمدردی کا اظہار کیا۔جموں و کشمیر سوشل ورکرس کمیٹی کے بانی غمگین مجید ،وادی کے معروف سماجی کارکن اور جموں و کشمیر سول سوسائٹی فورم کے سربراہ فیاض اندرابی،معروف شاعر، ادیب اور قلمکار عبدالرحمان فدا اور جرنلسٹ عاشق حسین (اے این آئی) نے سوگوار خاندان کے تعزیت کا اظہار کیا ہے۔مرحومہ کی نماز جنازہ میں کثیر تعداد میں لوگوں نے شرکت کی۔مرحومہ نیک سیرت خاتون تھیں اور پورے علاقے میں انہیں عزت کی نگاہ سے دیکھا جاتا تھا ۔مرحومہ کا رسم چہارم 14 جون 2025 کو انجام دیا جائے گا۔
