سورگیہ شام طالب کو شایانِ شان خراجِ عقیدت
جموں
انجمنِ فروغِ اردو کی جانب سے جموں میں ایک اور ادبی نشست کا انعقاد کیا گیا۔ نشست کی صدارت پروفیسر محمد زمان آزردہ نے کی۔ نشست میں شام طالب کے انتقال پر گہرے رنج و غم کا اظہارکیا گیا اور اُنکی آتمام کی شانتی کے لئے دو منٹ کی خاموشی اختیار کی گئی۔نشست میںمقررین نے اُن کے ساتھ یادگار لمحوں کو اجاگر کیا اور حکومت سے درخواست کی کہ وہ ان کے دو بیروزگار بیٹوں کو روزگار فراہم کریں تاکہ وہ قسم پُرسی کی زندگی بسر نہ کری اور اُن کے گھر کے حالاتِ سدھر سکیں ، انہوں نے مزید کہا کہ ان کی بیوہ جسمانی طور معذور ہے اور گھر میں کمانے والا کوئی نہیں ہے۔ وہ لوگ اس وقت لاچاری اور پریشانی سے دو چار ہیں۔ نشست میں اُنکی یاد میں ایک مشاعرہ بھی منعقد ہوا۔ مشاعرے میں جن شعراء اور ادباء نے شرکت کی اُن میں محمد امین بانہالی ، سعید خورشید کاظمی ،منجیت سنگھ کامرا ، سرور چوہان حبیب ، روبینہ میر ، جاوید شبیر، اشوک کمار پارس ، عبدالمجید کانلو ، دلشادہ بانو، اور فوزیہ مغل ضیاء شامل ہیں۔
