‌‌’’ٹھنڈی ہوا کا جھونکا‘‘پر تبصرہ

سبدر شبیر
اوٹو اہربل کولگام 9797008660

مۄج لفظ چُھ سانہِ کاشرِ زبانی منز اکھ ماری موند تہٕ پاکیزٕ لفظ، یُس لفظ سیدِ سید قاریس ماجہ ہند محبت، ماجہ ہند خلوص ماجہ ہنز ہمدردی، مروت غم خاری ہند خیال ذہنس منز چُھ وۄتلان _ ییلہ تہِ مۄج لفظک خیال ذہنس منز ووتلاون چُھ تہٕ ماجہ ہنز عظمت ، مرتبہٕ ، تقدس أمی سنز پاکیزگی یہ سورے نقشہ چُھ ذہنس منز اکھ ماری موند خیال بنتھ دلس منز تراوٹھ تہٕ میچھر پادٕ کران،
مۄج لفظ چشمن بونٹھ کٔنی تھاوتھ ونو یہ زِ مۄجہ ہنزن أچھن منز چِھ شہلتھ،ماجہ ہندس ڈیکس پہٹھ چُھ نور پریزلان، ماجہ ہندس دلس منز چُھ ماے،شفقت،محبت،رحمت تہٕ ماجہِ ہندؠن کھورن تل چُھ جنت ،ماجہ ہنزِ کۄچھ منز چُھ پوٗرٕ دُنہک محبت تہٕ رسول صلی اللہ علیہ وسلم سنز پاروی پتہ اگرے فرمابردری تہٕ خدمت کرنُک ساروے کھۄتہٕ باڈ درجہ حاصل چُھ تہٕ سُہ چُھ ماجہ، ماجہ کُن محبتچہ نظرِ ستی ؤچھنس چُھ حج مبرورہُک ثواب میلان، ماجہ خدمت کرنس چُھ جہاد کرنٕکی کھۄتہٕ زیادٕ ثواب میلان تہٕ أمس ستی حسنِ سلوک کرنس ستی چُھ جنتچ منز بندس خۄدایہ ذوالجلال سندِ طرفہٕ اکھ عظیم درجہ عطاء یوان کرنہٕ.
مۄج گیہ سۄ یس مۄج بنہٕ برونٹھ زندگی تہٕ موتکس کشمکشس منز گزرُن چُھ پیوان، مۄج یہِ کھیوان چیوان چِھ سۄ چَھنہٕ پنہِ خاطرٕ کھیوان چیوان بلکہ چِھ یہ سۄرے أمس بچہ سندی خاطرٕ یُس ماجہ ہندس شکمس منز آسان چُھ، یہِ چِھ سۄے مۄج یۄسہٕ دۄہک سکون تہٕ راژ ہند آرام تراوتھ أمس ینہٕ والس مہمانس انتظارس آسان یہِ سورٕے امہِ موٗجوب کران زِ أمس مہمانس گژھنہٕ کنتہِ قٔسمچ کمی روزٕنی غرض مۄج بنہٕ برونٹھ چُھ أمس اکھ مشین پیوان بننی یوس زن دۄہ ،راتھ تھکنہٕ وراے مختلف مرحلو منزی گزرُن پیوان، تہٕ ادٕ چُھ اکھ انسانی ووجود ماجہِ ہندس شکمس پرورش منز پراوان۔
اللہ سبحانہ و تعالیٰ چُھ قرآن کریٖمس منز فرماوان:
وَلَقَدْ خَلَقْنَا الإِنسَانَ مِنْ سُئلةٍ مِنْ طِيْنِ ” ثُمَّ جَعَلْنَهُ ، نُطْفَةً فِى قَرَار مَكِينٍ ثُمَّ خَلَقْنَا النُّطْفَةَ عَلَقَةً فَخَلَقْنَا العَلَقَةَ مُضْغَةً فَخَلَقْنَا الْمُضْغَةَ عِظَاماً
فَكَسَوْنَا الْعِظَمَ لَحْماً، ثُمَّ أَنشَأْنُه خَلَقَاً آخَرَ فَتَبَرَكَ اللهُ اَحْسَنُ الخَالِقِين (سورہ مومنون آیت١٤,١٣,١٢)
وَلَقَدْ خَلَقْنَا الإِنسَانَ مِنْ سُئلةٍ مِنْ طِيْنِ(۱۲)
بیہ کور اَسِہ پَزِ پاٹھ انسان میژِ ہندس خلاصس
یعنی غذا ہس پاده (گوڈ چھ انسان میژ تو پتہ چُھ
اتھ غذاہس سہ مادہ بنان یتھ انسان بنان چھ) ۔
ثُمَّ جَعَلْنَهُ ، نُطْفَةً فِى قَرَار مَكِينٍ(۱۳)
توپتہٕ بنوو اسہ سُہ تتھ نطفس یُس معین مدتس تأنی أکس محفوظ مقامس یعنی رحمس منز روزان چُھ.
ثُمَّ خَلَقْنَا النُّطْفَةَ عَلَقَةً فَخَلَقْنَا العَلَقَةَ مُضْغَةً فَخَلَقْنَا الْمُضْغَةَ عِظَاماً
فَكَسَوْنَا الْعِظَمَ لَحْماً، ثُمَّ أَنشَأْنُه خَلَقَاً آخَرَ فَتَبَرَكَ اللهُ اَحْسَنُ الخَالِقِين (سورہ مومنون)
تو پتہ بنوو اَسِہ تتھ نطفس موٹ خوٗن،تو پتہ بنوو آسہ تتھ موٹس خوٗنس ماز پھولاہ،پس بناوِ اَسہِ تتھ ماز پٔھلس منز أڈجہ، توپتہٕ وول اَسہِ تمن أڈجن سُہ ماز، تو پتہ تتھ منز روح واتناوتھ بنوو اَسِہ بیاکھے مخلوقاہ، یُس برونٹھمِیو حالتو نشہِ بدلےٕ اوسس پس کیتھ شان بوڈ چُھ اللہ تعالی سُند یُس سارنےٕ کوری گرن کھستھ چُھ( ۱۴ )
قران کریمس منز چِھ اہم پانژ مرحلہ انسان سندس تخلیقس متعلق بیان آمتی کرنہٕ تہٕ یم پانژھ پڑاو چِھ ماجہِ ہندس شکمس منز پوٗرٕ یوان کرنہٕ، ماجہ ہندس شکم چُھ أمس ینہ والِس مہمانس گوڈنیک دُنیا یتھ منز یہِ نوون رؠتن پرورش پراوان چُھ تہٕ یہِ مۄج چِھ أمس بچہٕ سُند وزن پنہِ زو جان کھوتہ تہِ ٹوٹھ آسان، یہِ مۄج چِھ نوون رؠتن پرتھ کینہہ آرام، ہوشار روزن ، کھیون چیون ،یلاج ،احتیاط تہٕ تدبیر أمسے ینہٕ والِس مہمانس پیٹھ سورُے صرف کران۔ أمسٔے بچس زنم دنہِ وز چِھ مۄج زندگی تہٕ موت کِس کشمکشس منز آسان تہٕ پنس زوٗوس گندان تہٕ اد چھ یہ بچہ یتھ دنیاہس منز یوان ییلہ مۄج اتھ زندگی تہٕ موتکس کشمکش منزی گزرتھ پنہِ أچھ کھۄلان چِھ تہٕ گۄڈنچ خواہش چِھ تمس آسان یہِ بچہ وچھن یوٗت کرتھ تہِ چھنہ ماجہِ ہنز زمداری تہٕ محبت ختم گژھان کینہ تہِ بلکہ چِھ یم زمداری، قربانی دِنی، شفقت تہٕ محبت دۄہ کھۄتہٕ دۄہ اتھ منز اضافہٕ گژھان۔ أسی چِھ بے رحمی سان ونان زِ مۄج چِھ دۄود چاو ناوان مگر امہ دودٕچ حقیقت چھنہِ أسی سمجان ۔ موج یُس دۄود دوۄن وری ین بچس دوان چِھ یہِ چِھ پنہِ جسمک خوٗن تہٕ رس چرِتھ کران تہٕ أمس بچس خاطرٕ آب حیات تیار کٔرتھ امہ سندی آرام تہٕ سکوٗن خاطرٕ پنن سورے آرام تراوتھ ادٕ چِھ اکھ زنی مۄج بنان۔۔۔۔۔
«موجہ ہنز عظمت قرآن تہٕ حدیث مطابق»
ماجہ ہنز عظمت تہٕ تقدس تہٕ احترام کرُن کیاز چُھ واجب تہٕ قرآن کریمس تہِ حدیث مبارکن منز چُھ ٹاکارٕ پاٹھ واضح آمت کرنہٕ زِ دُنی یہچن مقدس ترین ہستین منز چِھ موج تہِ اکھ ہستی گنزراونہٕ یوان۔
قرآنس تہٕ حدیث مبارکن منز یتنس تہِ ماجہِ ہند تذکر چُھ آمت کرنہٕ تتنس چُھ دوشونی ہند تذکر یعنی مالس تہ ماجہِ تذکر آمت کرنہٕ مگر رسول اکرم صلی علیہ وسلم سندی فرمان مطابق چُھ اولادس سندی خاطرٕ موجہ ہنز عظمت، محبت، تقدس تہٕ خدمت گزاری ہند ساروے کھوتہ زیادہ مستحق چِھ موج۔
قرآن کریمس منز چُھ رب العالمین سورہ بنی اسرأیل آیت ۲۳ تہٕ ۲۴ منز فرماوان
۞ وَقَضَىٰ رَبُّكَ أَلَّا تَعْبُدُوٓا۟ إِلَّآ إِيَّاهُ وَبِٱلْوَٰلِدَيْنِ إِحْسَـٰنًا ۚ إِمَّا يَبْلُغَنَّ عِندَكَ ٱلْكِبَرَ أَحَدُهُمَآ أَوْ كِلَاهُمَا فَلَا تَقُل لَّهُمَآ أُفٍّۢ وَلَا تَنْهَرْهُمَا وَقُل لَّهُمَا قَوْلًۭا كَرِيمًۭا (٢٣)
بیہ چُھ حکم کورمت چانی پروردگارن اے لوٗکو عبادت ما کٔریو معبوٗد برحقس وراے کانسہِ ہنز، بیہ کٔریو توہی پنس مالس ماجہِ نسبت احسان،رُت سلوک ہرگاہ واتن چانس وقتس اندر بجرس اندر، اکھ یا دۄشوے پس ما آس تمن کُنہِ کتھِ پہٹھ تنگ یتھ اُف ونان بیہ ما آس تمن زورٕہ کتھ یا خشم تمن ستی آس کتھ کران رٕتہِ طریقہٕ نرمی سان
وَٱخْفِضْ لَهُمَا جَنَاحَ ٱلذُّلِّ مِنَ ٱلرَّحْمَةِ وَقُل رَّبِّ ٱرْحَمْهُمَا كَمَا رَبَّيَانِى صَغِيرًۭا ٢٤
بیہ کر پست تہند خاطرٕ انکساری ہند پر، نیاز مندی ستی یتھ پاٹھ جانور سند بچہ چُھ آنپہ رٹنکہِ وقتہٕ مالس ماجہ برونٹھ کٔنی پر مژراوتھ، روزان، بیہ آس تہند حقہٕ دُعا کران، اے میانہ حقیقی پروردگارٕ،رحم کر دوشونی پیٹھ، یتھ پاٹھی یم دوشوے میہ پیٹھ رحم کھیتھ میانی ظاہری پرورش کران ٲسی ییلہِ بہٕ لوکٹ اوسس۔
وَإِذْ أَخَذْنَا مِيثَـٰقَ بَنِىٓ إِسْرَٰٓءِيلَ لَا تَعْبُدُونَ إِلَّا ٱللَّهَ وَبِٱلْوَٰلِدَيْنِ إِحْسَانًۭا وَذِى ٱلْقُرْبَىٰ وَٱلْيَتَـٰمَىٰ وَٱلْمَسَـٰكِينِ وَقُولُوا۟ لِلنَّاسِ حُسْنًۭا وَأَقِيمُوا۟ ٱلصَّلَوٰةَ وَءَاتُوا۟ ٱلزَّكَوٰةَ ثُمَّ تَوَلَّيْتُمْ إِلَّا قَلِيلًۭا مِّنكُمْ وَأَنتُم مُّعْرِضُونَ( سورہ بقرہ ٨٣)
بییہ پاوو ژیتس سہ وقت ییلہ میاے توراتس اندر بنی اسراییلن نش عہد و پیمان روٹ یتھ کتھِ پیٹھ کہ عبادت تہٕ بندگی کٔری زِ نہٕ معبوٗد برحقس وراے کانسہِ ہنز کیاز سُے یوت چُھ عبادتس سزاوار بییہ کرناوی اسہِ تِم عہد مالس ماجہ کٔری زِ ٲشناون تہٕ رشتہ دارن نسبت احسان بییہ کری زِ مسکینن، غریبن محتاجن نسبت احسان، بییہ ٲسی زِ عام لوٗکن ستی رٕتی پاٹھ خوش خلقی سان کتھ کران بییہ تھاوِو نماز برپا، پابندی سان أسو نماز ادا کران، بییہ ٲسو مالٕچ ذکوات دوان،تو پتہ پھیرو توہی امہ عہدہ نشہ، عہد شکنی کٔرٕو توہیہ کیژھن لوٗکن وراے، تم گٔے تمے یمو توراتس پہٹھ پوٗرٕ پابند روٗزتھ، شریعت محمدیہ قبول کور،اے یہودو تہند عادتھے چُھ عہد شکنی کرُن،اقرار کٔرتھ پوت پھیرُن۔
ماجہ ہنز عظمت تہٕ اہمیت فرمان رسول الله صلى الله عليه وسلم سندی مطابق:
یتھ پاٹھ قرآنِ کریمس منز مالس تہٕ ماجہِ خدمت تہٕ یہندی حقوق ادا کرٕنی تہٕ نہٕ اٗف تہِ وانن تہٕ یتھے پاٹھی چُھ حدیث مبارکہن منز ماجہ ہنز فضیلت اہمیت تہٕ تقدس بیان آمت کرنہٕ ماجہِ ہنز خدمت کرنہٕ ستی چُھ جنتس منز داخل گژھنک سبب بنان تہٕ أمس ستی ہمدردی تہٕ محبت تہٕ شفقت نَہ ورتاونس چُھ جہنمس منز گژھنس سبب بنان۔
حضرت ابوہریرہ رضی الله عنہ چِھ بیان کران زِ اکھ شخص آو رسول الله صلى الله عليه وسلمن ہندس خدمتس منز تہٕ عرض کورکھ میانہِ حسنِ سلوککھ کس چُھ ساروے کھوتہ زیادٕ مستحق نبی رحمت صلی الله عليه وسلم فرمو تمس چانی موج تمی وون تمہِ پتہٕ فرموہس چانی موج، تمی وون تمہ پتہ فرموہس چانی موج ، تٔمی فرمو تمہ پتہ فرموہس چون مول۔ تہٕ بیس أکس روایتس منز چُھ ونہٕ آمت زِ نبی رحمت صلى الله عليه وسلم فرمو أمس شخصص چانی موج، بیہ چانی موج، بیہ چانی موج ، پتہ فرموہس چون مول پتہ چانی قریبی رشتہٕ دارِ (بخاری تہٕ مسلم)
حضرت اسماء بنت ابوبکر چِھ ونان زِ میہ نش آیہ مانی موج اتھ حالس منز زِ قریشن ہندس زمانس منز ٲسی یہِ مشرک تہٕ میہ وون حضرت رسول الله صلى الله عليه وسلمس زِ میہ نش آیہ میانی موج تہٕ سو چِھ اسلام قبول کرنچ رقبت تھاون کیا بہٕ کرا تمس ستی صلہ رحمی تہٕ نبى رحمت صلى الله عليه وسلمن فرموہس ماجہِ ستی کر صلہ رحمی(بخاری)
حضرت مغیرہ رضی اللہ عنہ چِھ بیان کران زِ نبی رحمت صلى الله عليه وسلم سند ارشاد چُھ اللہ سبحانہ تعالہن چُھ حرام قرار دتمت پننین ماجین ہنز نافرمانی کرٕنی، زندے کورِ مارنہِ ، بخل تہٕ کنجوسی کرٕنی، کثرت سان سوال کرٕنی تہٕ مال ضایع کرُن۔أسی ونو یتھ زِ قرآن حدیث مطابق یتھ پاٹھ اسہ تہِ یتہٕ تاقید چُھ آمت کرنہٕ ز مالس تہٕ ماجہِ ہنز خدمت کرٕنی چھ بچس لازم تہٕ اگرے کانہہ خۄش نصیب یمن دۄشونی ہنز خۄصوصن ماجہِ ہنز خدمت کرِ أمس ستی چُھ جنتک وعدٕہ یوان کرنہٕ تہٕ اگر ؤنی کانہہ نافرمانی، بدسلوٗکی کرِ تیلہ چُھ یہِ جہنمس منز گژھنک سبب بنان۔
بدنصیب چِھ تِم لوٗکھ یم مالس ماجہِ ہنز نافرمأنی چِھ کران تہٕ یمن ستٕی بدسلوٗکی ، بدکلأمی کرتھ پنن دنیا تہٕ ٲخرت چِھ برباد کران۔
�����