’لقمہ حیات‘ اکھ مختصر تجزیہ

یوسف جہانگیر

لقمہ حیات چھ غلام محمد دلشاد سنزلیچھمژشار سومبرن ۔بتھ منز صرف عقیدتی شاعری درج کر نہ آمژ چھے ۔حالانکہ غلام محمد دلشاد چھُ پننہ بِترِ مطابق موجود زمانه کنین موضوعن پیٹھ تہِ شعر لیکھان ته وز وز مشاعرن منز بوزن والین هندی دل رنزہ ناوان۔ دلشاد صابنی شاعری چھےموجود زمانہ کس انسانس لتہ مونجه کر نہ آمژن روایتین تہ موروثی اخلاقی قدرن ہنر ژینہ وُن دتھ موجودہ غار انسانی تہ غار اخلاقی صورت حالچ تصویرا چھن برونہہ کُن انان ته سیز وته پکنچ پرخلوص دعوت دوان ۔ در دس کتاب چھے دون ہتن شیتن (۲۸۰) صفن پیٹھ مشتمل ، اصل چھپاے تہ اکھ خوبصورت سرورُق ہیتھ ۔ یتھ پیٹھ کعبتہ اللہ تہ گنبد خضرا ہچ ماری منزشکل بنا وتھ چھ۔ یمہ تلہ پرن والس گوڈ باگے کتاب ہند مضمونچ کم کا سہ زانکاری میلان چھے۔ یہ کتاب چھ سنہ ۲۰۲۳ ہس منز چھاپ سپز مژ تہ تخلیق کارن چھ یہ عقیدتی ادبک گلدسته پنہ نِس مالس ماجہ ہند ناو منسوب کو رمت ۔
کشیر چھ عقیدتی ادبچ اکھ سیٹھاہ پرانی روایت ۔ بلکہ گژھ یہ ونن بہتر ز کا شرس ادبی تواریخس چھ کنہ کنی عقیدتی ادبچی۔ اگر چہ اکثر زبانن منزا می آیچ روایت روز مژ چھ تکیا ز روشن خیالی، احیاء نو (Rennasence) ته سائنسی ترقی ہنزو تبدیلیو برونهہ اوس درُس دنیا ہس منز روحانی ( یتھ بعضے تو ہماتی تہِ وننہ یوان چھ ) رحجان زیاد پہن پوٹھ تہ قریباً پر بتھ کنہ سما جس منز اوس ما بعد طبعیاتی فلسفہ تہ تَتھ ستی وابستہ سوالن تہ خیالن پیٹھ سیٹھا سنجیدگی سان سونچنہ یوان ته نتیجه رنگی اوس ادبی فن پارن ہند یو ہے ساروے کھوتہ بو ڈ موضوع ۔ چاہے سُہ یونانی یا لاطینی ادب چھ ، عربی یافارسی ادب چھُ یا انگریزی ادب چھ اولین دورن منز چھ عقیدتی ادبے زیاد پہن تخلیق کر نہ آمت ۔ مگر کا شرس ادبس منز چھ عقیدتی اد بہ حوالہ وُنتہِ سے لول تر محبت لبنه یوان یُس ابتدایی دورس منز رؤدمت چھُ۔ یلکہ زن باقی زبانن منز جدید ادبی رجحانن ہندس پاداشس منز عقیدتی ادبس منز وار یاه کمی آمژ چھ ۔ امیک وجہ ہیکہ کشیر هند باقی ترقی یافتہ تہ ترقی پذیر دنیاہس نش هنا بدون آسن ( حالانکہ از کل چھ یہ دوریر انٹرنیٹ تہ سوشل میڈیہکہ وساطتہ ختم گومت ) یا ہیکن اتھ جغرفیائی تہ اسطوری وجو ہات تہِ آستھ ۔ بہر حال وجوہات کینہہ تہ آسن پزرچھ یہ زکشیر منز چھ از ته جان مقدارس منز عقیدتی ادب لیکھنہ یوان۔ یہ چھ وکھرہ کتھ زاز کل لیکھنہ بینہ والہ بیشتر عقیدتی ادبک معیار چھنہ قابل قدرته خالے چھ کا نہ یتھ ہیو فن پارہ سانه برونهمه عقیدتی ، سری یا صوفی شاعری ہنز ہش پزیرائی حاصل کرتھ ہیوکمت ۔ وونی گو و روایت چھ پکان تہ اَمہ آیِک شاعر چھ پنن و ندہ با وتھ کران یه زن تیوہند حق تہ چھ تہ ضرورت تہِ۔ ادہ نقادن چھ پنن رول ادا کرن تہ تتہِ ہیکو نہ غار ضروری سمجھتھ تہ بلا وجہ مستر د کر تھ۔ غلام محمد دلشادتہِ چھُ پننہِ شاعری کیریرُک ابتدا عقیدتی ادبه ستی کر تھ ا کہ رژہ آشہ ہنزبنیاد تر اوان۔ یموچھ یمہ برونہہ تہِ اکھ کتاب اجرا کْری مژ یتھ (الفت رسولؐ) ناوچھ ۔تہ یتھ کی چھ دلشاد صاب عقیدتی ادبس ستر پنبہ دلچسپی ہیوند ثبوت دوان۔ دلشاد صا بن نعت ، مناجات تہ منقبت چھ از ته مسجدن تہ خا نقاہن منز شوقه سان پر نہ یوان ته بوزن والین ہندی عقیدتی جذبات چھ تطہیر لبان ۔تہ پرن والی چھ وجدس منز یتھ پننہ رستگاری ہندی اشار پراوان ۔ یہ عوامی مقبولیت تہ شوقه سان پرن ته بوزن چھ بذات خود دلشاد صابنہ کامیاب شاعری کردارچ ضمانت تهِ تہ ثبوت تہِ ۔ دلشاد صا بنه موجود کتابہ (لقمہ حیات )حوالہ چھ اکھ کتھ اہم سو گیہ یہ زاتھ منز چھنہ سری شاعری یا صوفی شاعری ہیوند ہیو ابهام یا ایہام پاد کرنچ کوشش کر نہ آمژ۔ یہِ زن سانی اکثر عقیدتی شاعر روایتک تکرار کرتھ تہ بلاوجہ اصطلاحن ہند استعمال کرتھ کران چھِ ۔ بلکہ چھ دلشاد صا بن اکہ سیو وسادته منفر داند از پننہِ اسلا می سونچک به عقید تک اظہار کو رمت ۔یه زن شاعرانه ایمانداری هند باس دوان چھ تہ دلشادس اکھ کامیاب عقیدتی شاعر ثابت کر ان چھ ۔ دلشاد صا بن کتاب چھ مناجاتن ، نعتن تہ منقبتن پیٹھ مشتمل ۔ یہ کتاب چھہِ امہ موضوعی با گر نه حسابه شین حصن منز با گرنہ آمژ- یم حصہ چھ حصہ مناجات، حصہ مولود، حصہ معراج ، حصہ نعت ، حصه ماه شعبان و ماه رمضان تہ حصہ منقبت ۔ و چھوے تہ ژَ کہ چھ یم ژورے حصہ ۔یعنی حصہ مناجات ، حصہ نعت ،حصہ ماہ شعبان تہ ماہ رمضان تہ حصہ منقبت ۔تکیا ز حصہ مولود تہ حصہ معراج تہِ چھِ بنیادی طور نعت کی حصہ ۔ وونی گؤ وامہ طریقہ حصہ باگنے کرتھ چھ دلشاداتھ فنس ستی پننہِ سنجید جذباتی تہ عاشقانہ وابستگی ہیوند پے دوان ۔ یو دوے زن بیشتر نعتن منز ندائی جز موجود چھِ مگر دلشاد صا بن چھُ پر بتھ کُنہ جا پہ وحد انیتُک ته رسالتک احترام مد نظر تھومت تہ کنہ جا یہ چھنہ کا نہہ چیز کنہ پھول ہیو دندن سنان ۔ دلشاد چھ نعتس منز پننه عشقک سنجید ته خوش کرؤن احساس پاد کران ۔یتھ منز تلمیحا تن ہیوند استعمال کرتھ جذبچ شدت عکسا ونچ بہترین کوشش موجود چھے ۔
چھس نالہ دوان لاله تیم بوزتم فر یاد
شیرینِ چھُم بریا نه گومت لا گتم فرہاد
تا رکھ چھ زوتان آسمانن پیٹھ چھِ برتھ چاو
از کھالہِ خدا سالہ نبیسؐ اسی گژ ھو آباد
نعت چھ اکھ منتخب موضوع و اجن صنف تہ اتھ منز کا نہہ موضوعی نو یر پاد کرن چھنہ ممکن ۔وونی گوو امیک ساروے کھوتہ بوڈو صفت تہ معیار ہیکہ امچه عقیدیتچ شد ته تہ عشقچ تپشہِ هندس بلبوتس پیٹھ اظہارچه انفرا دیتہَ ستی کھر کرنہ یتھ ۔ دلشاد تہ یدوے سوئے کتھ ونان چھُ یوس گوڑے وننہ آمرژچھے مگر طرز اظہار چھ ماری موند ، عقیدتچ شدت چھ انفرا دی تہ عشقچ تپش چھِ قابل رشک
خسته گومت چانه مائیے یور آس
مند چھومت چھم ملتھ رویس مے ساس
چانی تعریف کس انتھ ہیکہ بر زبان
بس خدا چھے چانہ شانک روشناس
میہِ ہاو تم و تھ به چھُس اون یا محمدؐ
دِتم گا شا ا چھن پرون یا محمد
ژے چھُی اُمی لقب تھومت خداین
کو ڈتھ علمک بجرنون یا محمدؐ
کشیر منز عقیدتی ادبک تہ خاص کرتھ صوفیانہ شاعری ہندی ماہر تہ و وستاد تہ بڈ پایہ قدآور نقاد پروفیسر شا در مضان صاب چھ دلشاد صا بنه عقیدتی شاعری متعلق لیکھان:
’’اتھ عقیدتی تہ فکری پوت منظرس چھ شاعر عاشق بنتھ معشوقہ سندس لولس ہول رچھان تہ پنُن قلم اتھی رنگس منز رنگتھ پننس تخلیقی شعوری تسکین دوان ۔ دلشاد صاب چھ اتھ منز پننِہ قلمک پر یتھ کا نہہ اچھر عقیدت بنا و تھ شعر تخلیق کران ۔ یمہ ستی تہندین مناجاتن، نعتن منقبتن تہ مرثین منزا هند عقید تک خلوص تہ محبت رنگ ژھٹان چھ ‘‘۔
نعت لیکھن چھ کا شرین شاعرن ہندس خمیرس منز مگر تاریخ اسلام تہ سیرت محمد عربیؐ پریتھ کا نہ تیوتھ فن پارہ تخلیق کرن یتھ منز نہ صرف عقید تچ گرمی آسہ بلکہ تواریخی تہ استدلالی پوچھر ہیتھ تاریخی اہمیتک حامل آسہِ چھنہ پر یتھ کانسہ شاعر سند بتُر ۔ امہ حوالہ چھ دلشاد پزی پاٹھ اکھ مولہ ناون تہ تھیکنا ون لایق گو نما تھ ۔ مولود تہ معراج ہیوی کلامہ چھ اتھ کچھ پیٹھ گواہ ۔ یمن کلا من سام ہینہ پتہ چھ محسوس سپدان ز دلشادن ییله تہ قلم تلمت چھ تتھ چھ علم قرآنک، حدیث مبارک کہ عرفانک ، مطالعہ سیر تک تہ تاریخ اسلام چه ورق گردانی ہیوندڈو کھ بدستور رفاقت کران رو دمت ۔ معراج نامس منز چھنہ کا نہ تہ تیوتھ واقعہ بیان کر نہ آمت یتھ نہ استدلالی ڈو کھ چھُ تہ میلا دس منز چھنہ کا نہ تیوتھ بیان یتھ ستی اختلاف کرنہ ہیکہ یتھ ۔ یہ چیز چھ دلشاد نہ علمی بصارتیج تہ اظہار چه سنجیدگی ہیوند غماز م۔نقبتن منزیتہِ ا کہ طرفہ جذباتی وابستگی تہ محبتک اظہار کلہ کڈ ان چھ تتہِ چھ ُاتھ ستی ستی کمال احترامک ته مستند علمی و اتنیارُک پیے تہِ میلان ۔ یم چھینہ صرف منقبت بلکہ تاریخی حقیقتو تہ جذباتی زینتو ستی پا رتھ فن پارہ۔
مولی علی آن بوتراب
از اهل بیت آنجناب
در حب او جگرم کباب
از اهل بیت آنجناب
درشان علی مرتضی
ان دار العلم و باب ها
فرمان رسالت مآب
از اهل بیت آنجناب
اما بوز یا خدا میو نے یہ فر یاد
بہُ لایس کر بلاوا تتِھ یہو ہے ناد
نه دست داد آن به یذید گو که سر داد
بہُ لایس کر بلاوا تتِھ یہو ہے ناد
حسینا مرحبا صد مرحبا چھے
رضائ ے حق حاصل با خدا چھے
پزرنون گو واپز رسواته بر باد
بہُ لایس کر بلاوا تتِھ یہو ہے ناد
دلشاد صابنہ یتھ سومبر نہ منز چھ کلہم پاٹھی ۱۱۴ کلام شامل۔ یمن منزستھ ( ۷ ) حصہ منا جاتس منز (یمن منزز کلام دراصل نعت زمر کی چھ ) ؛ داہہ (۱۰) حصہ مولودس منز ترے (۳) حصہ معراجس منز ؛ اروابزای (۵۸) حصہ نعتس منز ، پانژھ (۵) حصه ماه شعبان و ماه رمضانس منز تہ اکترہ (۳۱) حصہ منقبتس منز شامل چھ ۔ یتھ سومبرنہِ منز شامل تمام مناجات تہ نعت چھ قرآن، حدیث، سیرت پاک ته تاریخ اسلام نظر تل تھا وتھ لیکھنہ آمت – منقبت تہ چھِ حدیث ته مستند کتابن ہندی حوالہ جات وچھتھی قلم بند کر نہ آمت ۔ یہ چیز چھ دلشادصا بس موجود عقیدتی ادب لیکھن والین منزا کھ انفرادیت عطا کر ان ۔کنه کنه جایہ یدوَے زن شاعری ہندیوفنی اصولو ته لوأ زما تونش صرف نظرتہِ کر نہ آمت چھ وونی گو و عشقہ لیہِ ہندس جذباتی ترنمس منز چھ تم چیز جذب سید تھ پسِ پر دہ پیوان تہ پر پرن وول چھ بہر حال محظوظ سپدان۔
و و مید چھ، ز دلشاد صابن یہ کوشش آسه بحضور اللہ تعالیٰ تہ سرور کائینات مقبول ته پرن والی ته بوزن والی تہ گژھن فیض و برکاتن منز شامل۔ مئے چھ یہ تہ ِ و ومید ز دلشاد صاب روزن برونہہ کن تہِ کا شرس ادبس لول بران ته معیار ک قابل قبول مقام طے کران۔
شکریہ
یوسف جہانگیر