سحرش نور
گورنمنٹ ہایر سگنڈری نارہ پورہ شوپیان
رُوح رأوی آبس پتہٕ کیا زالو
کمہٕ ستیٕ ہاووٕ لالن گاش
ماہ تیلہٕ پرزلن آنہٕ گٹہٕ تالو
کمہٕ سیتی ہاووٕ لالن گاش
جنگلات موکلے ماحول بدلیو
اوٗزونس تام وأژ سانی ژھائی
گرمی مکلایے سانی شین بالو
کمہٕ سیتیٕ ہاووٕ لالن گاش
سربند ما ہوٗکھن تریش گژھٕ کامِن
عامن کیو خاصن ہوئی ووِھیار
زمدأر ساری راہ کس کھالو
کمہٕ سیتیٕ ہاووٕ لالن گاش
دوہ گژھٕ نیرہتھ انہٕ گٹیٕ راتس
یتھ ظلماتس کیا دِمہ ووین
دیتھ گژھٕ آلو أسی پُوٗتہ کالونی
کمہٕ سیتیٕ ہاووٕ لالن گاش
گرٕ گرٕ قدما تُل خوٗش حالو
شنیاں بالن لولا بر
دوٗررٕ جنگلُک أسی ما ژالو
کمہٕ سیتیٕ ہاووٕ لالن گاش
بار گژھٕ گوٗب أسیٕ ما ژالو
کارخان پننی پھیرنےٕ بوٗتھ
سحرش نُور دیوان وقتُک آلو
کمہٕ سیتیٕ ہاووٕ لالن گاش
