ویلنگٹن16جون: نیوزی لینڈ کے آل راؤنڈر مائیکل بریسویل دائیں ایڑی کی انجری کے باعث اکتوبر-نومبر میں ہندوستان میں ہونے والے ایک روزہ عالمی کپ میں حصہ نہیں سکیں گے۔ بدھ کو یہ معلومات دیتے ہوئے نیوزی لینڈ کرکٹ (این زیڈ سی) نے کہا کہ بریسویل انگلینڈ کے ٹی-20 بلاسٹ میں ووسٹر شائر ریپڈز کے لیے کھیلتے ہوئے انجری کا شکار ہو گئے تھے جس کی وجہ سے وہ تقریباً چھ سے آٹھ ماہ تک کرکٹ سے دور رہیں گے۔
این زیڈ سی نے اطلاع دی ہے کہ بریسویل اپنی ایڑی کی سرجری کے بعد جمعرات کو برطانیہ میں ریہیب کا عمل شروع کریں گے۔ نیوزی لینڈ کے کوچ گیری سٹیڈ نے بریسویل کی انجری کے بارے میں کہا کہ “آپ کو چوٹ لگنے پر ایک کھلاڑی کے لئے برا لگتا ہے، خاص طور پر جب وہ کسی عالمی ایونٹ سے باہر ہونے والا ہو۔ مائیکل ٹیم کا ایک اہم حصہ ہیں اور بین الاقوامی ڈیبیو کے بعد سے نیوزی لینڈ کے لئے ان کے 15 ماہ بہترین گزرے ہیں۔
کیاعالمی کپ سے ایک روزہ پہلے ہندوستان کا پاکستان سے تین بار مقابلہ ہو سکتا ہے
انہوں نے کہا، “ہم نے کھیل کے تینوں محاذوں پر ان کی حیرت انگیز صلاحیتوں کو دیکھا ہے اور وہ ہندوستان میں ہونے والے ورلڈ کپ کے لیے ایک اہم کھلاڑی کے طور پر ابھر رہے تھے۔ مائیکل فطری طور پر کافی مایوس ہیں، لیکن انہوں نے اس بات کو قبول کیا ہے کہ انجری کھیل کا حصہ ہے اور وہ اب اپنی بحالی پر توجہ دے رہے ہیں۔ انڈین پریمیئر لیگ (آئی پی ایل) میں رائل چیلنجرز بنگلور (آر سی بی) کے لیے کھیلنے والے بریسویل اپریل سے نیوزی لینڈ سے دور ہیں۔ وہ سرجری کے بعد دو ہفتے تک گھر واپس نہیں آسکیں گے۔
بشکریہ:قومی آواز
