پاکستانی ہاکی ٹیم ایشیا کپ کیلئے جکارتہ روانہ 76

پاکستانی ہاکی ٹیم ایشیا کپ کیلئے جکارتہ روانہ

لاہور: انڈونیشیا میں ہونے والے ایشیا کپ کے لیےپاکستانی ہاکی ٹیم جکارتہ روانہ ہوگئی۔
ایشیا کپ کی چار بہترین ٹیمیں ورلڈکپ کے لیے کوالیفائی کریں گی۔عمر بھٹہ کی قیادت میں ہاکی ٹیم ایشیاء ہاکی کپ میں حصہ لینے کے لیے علامہ اقبال ایئرپورٹ لاہور سے روانہ ہوئی.ایشیاء ہاکی کپ کا آغاز 23 مئی سے انڈونیشیا کے شہر جکارتہ میں ہوگا.
ٹیموں کو دو پول میں تقسیم کیا گیا ہے۔ پول اے میں انڈیا ، جاپان، پاکستان ، انڈونیشیا جبکہ پول بی میں ملائیشیا ، کوریا،عمان اور بنگلا دیش شامل ہیں۔
پاکستان اپنا پہلا میچ 23 مئی کو روایتی حریف بھارت کے ساتھ کھیلے گا۔ پاکستان کا دوسرا میچ 24 مئی کو انڈونیشیا کیساتھ جبکہ تیسرا میچ 26 مئی کو جاپان کیساتھ ہوگا۔
ہاکی فیڈریشن کے صدر بریگیڈیئر (ر) خالد سجاد کھوکھر اور سیکریٹری جنرل اولمپیئن آصف باجوہ نے نیک خواہشات کا اظہار کیا ہے۔

اس خبر پر اپنی رائے کا اظہار کریں

اپنا تبصرہ بھیجیں