کولگام میں سیکورٹی فورسز کی مشتر کہ کارورائی

عسکریت پسندوں کا معاون کارکن اسلحہ سمیت گرفتار
سرینگر/یکم مئی /این این این جنوبی ضلع کولگام میں سیکورٹی فورسز نے عسکریت پسندوں کے معاون کارکن کو اسلحہ سمیت گرفتار کر لیا ہے ۔ ندا نیوز نیٹ ورک کے مطابق ایک مصدقہ اطلاع ملنے کے بعد کولگام میں فوج و فورسز اور جموں کشمیر پولیس کے خصوصی آپریشن گروپ نے ایک کارروائی کرتے ہوئے جنگجو ئوں کے معاون کارکن کر گرفتار کر لیا ہے ۔ گرفتار کئے گئے عسکریت پسند ساتھی کی شناخت یامین یوسف بٹ ولد محمد یوسف بھٹ کے طور پر کی گئی ہے جسے سیکورٹی فورسز نے اسلحہ اور گولہ بارود سمیت گرفتار کیا ہے۔ذرائع سے معلوم ہوا ہے کہ ان کے قبضے سے پستول، دو دستی بم اور 51 راؤنڈ بر آمد کر لیں گئے ۔ ان کا کہنا تھا کہ گرفتار عسکریت پسند کے ساتھی کی وابستگی اور ملوث ہونے کا پتہ لگایا جا رہا ہے۔ پولیس کے ایک سنیئر آفیسر نے اس کی تصدیق کرتے ہوئے بتایا کہ اس سلسلے میں متعلقہ پولیس اسٹیشن میں کیس یو اے پی اے کے تحت درج کر لیا گیا ہے اور تحقیقات جاری ہے ۔