ویڑیو

ای پیپر

اہم خبریں

جموں کے بکرم چوک میں ایک المناک حادثے میں گاڑی دریا تیوی میں گر گئی جس کے.

پولیس نے دعویٰ کیا ہے کہ سادھنا ٹاپ پر خاتون سمیت تین افراد سات کلو نارکوٹکس.

گاندربل میں نوجوان کو مردہ پایا گیا وسطی ضلعع گاندربل کے گاڈوہ کھیتوں میں.

وزیراعظم نے رکھا اترپردیش کے جیور شہر میں نوئیڈا بین الاقوامی ہوائی اڈّے کا سنگ بنیاد ر

   90 Views   |      |   Saturday, May, 28, 2022

کہانوئیڈا بین الاقوامی ہوائی اڈہ شمالی ہندوستان کا بغیر اخراج والا بھارت کا پہلا ہوائی اڈّہ ہوگا

سرینگر؍ ؍25 نومبر؍وزیر اعظم نریندر مودی نے جمعرات کو کہا کہ نوئیڈا بین الاقوامی ہوائی اڈہ شمالی ہندوستان کا لاجسٹک گیٹ وے بن جائے گا۔نوئیڈا بین الاقوامی ہوائی اڈے کا سنگ بنیاد رکھنے کی تقریب کے موقع پر خطاب کرتے ہوئے نریندرمودی نے کہاکہ نوئیڈا بین الاقوامی ہوائی اڈہ شمالی ہندوستان کا لاجسٹک گیٹ وے بن جائے گااور یہ قومی گتی شکتی ماسٹر پلان کے ستونوں میں سے ایک کے طور پر کام کرے گا۔ رابطوں کی سہولت کو فروغ دینے اور مستقبل کا ہوابازی کا شعبہ تیار کرنے کے وزیراعظم کے نظریے کی مناسبت سے یہ ہوائی اڈّہ بنایا جارہا ہے۔ ایس این ایس کے مطابق یہ ہوائی اڈّہ کاربن کے بغیر اخراج والا بھارت کا پہلا ہوائی اڈّہ ہوگاجس کے بن جانے سے سڑک، ریل اور میٹرو خدمات کے ساتھ بلا رکاوٹ رابطہ فراہم ہوسکے گا۔ہوائی اڈّے کے پہلے مرحلے کا کام دس ہزار کروڑ روپے سے زیادہ کی لاگت سے انجام دیا جائے گا۔ وزیر اعظم نے مزید کہا کہ یہ ہوائی اڈہ ایک مربوط ملٹی ماڈل کارگو ہب پیش کرے گا جو خطے کورفتار اوراڑان فراہم کرے گا۔وزیر اعظم نریندر مودی نے کہا کہ دہلی-این سی آر اور مغربی اتر پردیش کے لوگوں کو ہوائی اڈے سے فائدہ ہوگا۔وزیر اعظم نے مزید کہا کہ غریب ہو یا متوسط طبقے کا کسان ، تاجر، مزدور ہو یا کاروباری، سب کو اس سے بہت فائدہ ملے گا۔انہوں نے کہا کہ ہوائی اڈہ کنیکٹیویٹی کا ماڈل بن جائے گا کیونکہ یہاں ہر قسم کی آمدورفت دستیاب ہوگی۔وزیر اعظم مودی نے جمعرات کو اتر پردیش کے گوتم بدھ نگر کے جیور میں نوئیڈا بین الاقوامی ہوائی اڈے (این آئی اے) کا سنگ بنیاد رکھا۔اس موقعے پر ان کے ساتھ اتر پردیش کے وزیر اعلیٰ یوگی آدتیہ ناتھ اور مرکزی شہری ہوابازی کے وزیر جیوتی رادتیہ ایم سندھیا بھی پروجیکٹ سائٹ پر موجود تھے۔ہوائی اڈے کو یمنا انٹرنیشنل ایئرپورٹ پرائیویٹ لمیٹڈ(YIAPL)کے ذریعے تیار کیا جا رہا ہے، جو اس منصوبے کے سوئس کنسیشنر زیورخ انٹرنیشنل ایئرپورٹ اے جی کا سو فیصد ذیلی ادارہ ہے۔یمونا انٹر نیشنل ایئرپورٹ پرائیویٹ لمیٹڈحکومت اتر پردیش اور حکومت ہند کے ساتھ قریبی شراکت داری میں PPP ماڈل کے تحت نوئیڈا بین الاقوامی ہوائی اڈے کو ترقی دے رہی ہے۔وزیر اعظم کے اس عظیم نظریے کے تحت اترپردیش ریاست پر خاص توجہ دی جارہی ہے، جہاں کئی بین الاقوامی ہوائی اڈّے بنائے جارہے ہیں۔ کْشی نگر ہوائی اڈّے کا حال ہی میں افتتاح کیا گیا، جبکہ ایودھیا میں بین الاقوامی ہوائی اڈّہ زیر تعمیر ہے۔ اس طرح اترپردیش ملک میں ایسی واحد ریاست بن جائے گی جہاںپانچ بین الاقوامی ہوائی اڈّے ہوں گے۔جیور میں نئے ہوائی اڈّے کی تعمیر سے خطے میں بڑی سرمایہ کاری کو راغب کرنے میں مدد ملے گی اور روزگار کے وسیع مواقع بھی پیدا ہوں گے۔شہری ہوا بازی کی وزارت کے مطابق، جیور کے قریب بین الاقوامی ہوائی اڈے کو ایوی ایشن ہب کے طور پر تیار کیا جائے گا جس کا تصور تمام جدید، موثر اور ہائی ٹیک سہولیات فراہم کرنا ہے۔ ہوائی اڈے کے علاقے میں جب مکمل طور پر کام کرنے کی توقع کی جاتی ہے تو ایم آر او (مینٹیننس، مرمت اور آپریشنز) کی سہولیات کے ساتھ ایرو اور نان ایرو سرگرمیاں ہوں گی۔ایس این ایس کے مطابق موجودہ پروجیکٹ میں 3500 ایکڑ اراضی کی ضرورت کے رقبے کا تصور کیا گیا ہے۔ ترقی کے پہلے مرحلے میں صرف 1327 ہیکٹر اراضی کو ترقی دی جائے گی۔نوئیڈا بین الاقوامی ہوائی اڈہ حکمت عملی کے لحاظ سے واقع ہے، جو آئی جی آئی ہوائی اڈے سے تقریباً 72 کلومیٹر، نوئیڈا، فرید آباد اور غازی آباد سے بالترتیب 40 کلومیٹر، گریٹر نوئیڈا سے 28 کلومیٹر، گروگرام سے 65 کلومیٹر اور آگرہ سے 130 کلومیٹر کے فاصلے پر ہے۔مجوزہ پروجیکٹ کی متوقع لاگت کا تخمینہ تقریباً 15ہزار سے 20ہزارکروڑ روپے ہے اور ہوائی اڈے کے پہلے مرحلے کی ترقی تقریباً 10ہزار 50کروڑ روپے کی لاگت سے کی جا رہی ہے۔ہوائی اڈے پر کام 2024 تک مکمل ہونا ہے۔

متعلقہ خبریں

جموں کے بکرم چوک میں ایک المناک حادثے میں گاڑی دریا تیوی میں گر گئی جس کے نتیجے میں ڈرائیو اور کنڈیکٹر کی موت ہوئی پولیس.

پولیس نے دعویٰ کیا ہے کہ سادھنا ٹاپ پر خاتون سمیت تین افراد سات کلو نارکوٹکس اور 2آئی ای ڈی سمیت گرفتار کئے گئے پولیس.

گاندربل میں نوجوان کو مردہ پایا گیا وسطی ضلعع گاندربل کے گاڈوہ کھیتوں میں 28سال کے نوجوان کی نعش برآمد کرلی گئی پولس.

صدرِ جموں وکشمیر نیشنل کانفرنس و رکن پارلیمان ڈاکٹر فاروق عبد للہ نے حضرت میرک شاہ صاحب ؒ کے سالانہ عرص مبارک باد.

کونہِ بل پانپور میں آج صبح ایک دلدوز سانحہ پیش آیا جسمیں دو افراد موت کی آغوش میں چلے گۓ۔ کونہِ بل علاقے میں کھیتوں.