57

افغانستان کی صورتحال پر بھارت عالمی سطح کے اجلاس کی میز بانی کرے گا

اجلاس میں بنیاد پرستی، منشیات کی سمگلنگ اور سیکورٹی پر سمجھوتہ ہوگا، چین نے میٹنگ میں شرکت سے انکار کیا

سرینگر/09نومبر/نئی دلی میں بھارت افغانستان کی سیکورٹی صورتحال پر ایک عالمی سطح کے اجلاس کی میزبانی کرے گا۔ اس میٹنگ میں چین نے حصہ لینے سے انکار کیاہے ۔ میٹنگ میں بنیاد پرستی، دہشت گردی ، منشیات کے استعمال اور سملگنگ کو روکنے کیلئے عملی اقدامات کیلئے تعاون پر سمجھوتہ ہوگا۔ کرنٹ نیوز آف انڈیا مانیٹرنگ کے مطابق بھارت بدھ کو روس، ایران اور پانچ وسطی ایشیائی ممالک کے اعلیٰ سیکورٹی حکام کی افغانستان پر سیکورٹی بات چیت کے لیے میزبانی کرے گا جو افغان بحران کے نتیجے میں دہشت گردی، بنیاد پرستی اور منشیات کے استعمال کی بڑھتی ہوئی لعنت سے نمٹنے کے لیے عملی تعاون کے لیے مشترکہ نقطہ نظر کو تلاش کریں گے۔ذرائع نے بتایا کہ چین کو ‘افغانستان پر دہلی ریجنل سکیورٹی ڈائیلاگ’ کے لیے مدعو کیا گیا تھا لیکن اس نے بھارت کو پہلے ہی مطلع کر دیا ہے کہ وہ کچھ مسائل کی وجہ سے اس میٹنگ میں شرکت نہیں کر سکے گا۔پاکستان نے بھی اجلاس میں شرکت نہ کرنے کا فیصلہ کیا ہے۔ قازقستان، کرغزستان، تاجکستان، ترکمانستان اور ازبکستان کے اعلیٰ سیکورٹی حکام اس بات چیت میں شرکت کریں گے، جس کی صدارت بھارت کے قومی سلامتی کے مشیر اجیت دوول کریں گے۔ذرائع کا کہنا ہے کہ اجلاس میں شریک آٹھ ممالک افغانستان پر طالبان کے قبضے کے بعد پیدا ہونے والی سکیورٹی پیچیدگیوں پر بات کریں گے اور بات چیت میں بنیادی طور پر چیلنجز سے نمٹنے کے لیے عملی چیزوں پر تعاون پر توجہ مرکوز کی جائے گی۔ذرائع نے کہا کہ افغانستان سے لوگوں کی سرحد پار نقل و حرکت کے ساتھ ساتھ امریکی افواج کے چھوڑے گئے فوجی سازوسامان اور ہتھیاروں سے لاحق خطرے پر بھی سکیورٹی حکام بات چیت کر سکتے ہیں۔وزارت خارجہ نے کہا کہ مذاکرات میں ایران، قازقستان، کرغز جمہوریہ، روس، تاجکستان، ترکمانستان اور ازبکستان کی شرکت متوقع ہے اور ان ممالک کی نمائندگی ان کے متعلقہ قومی سلامتی کے مشیر یا سلامتی کونسل کے سیکرٹریز کریں گے۔ایک بیان میں کہا گیا ہے کہ اعلیٰ سطحی مذاکرات میں افغانستان میں حالیہ پیش رفت سے پیدا ہونے والی خطے کی سلامتی کی صورتحال کا جائزہ لیا جائے گا۔یہ متعلقہ سکیورٹی چیلنجوں سے نمٹنے کے اقدامات پر غور کرے گا اور امن، سلامتی اور استحکام کو فروغ دینے میں افغانستان کے عوام کی حمایت کرے گا۔وزارت خارجہ نے کہا کہ بھارت کا روایتی طور پر افغانستان کے لوگوں کے ساتھ قریبی اور دوستانہ تعلقات رہا ہے اور نئی دہلی نے افغانستان کو درپیش سکیورٹی اور انسانی چیلنجوں سے نمٹنے کے لیے ایک متفقہ بین الاقوامی ردعمل کا مطالبہ کیا۔اس میں کہا گیا ہے کہ یہ ملاقات اسی سمت میں ایک قدم ہے۔ ذرائع کا کہنا ہے کہ مذاکرات میں شریک کسی بھی ملک نے طالبان کو تسلیم نہیں کیا ہے اور افغانستان کی صورتحال پر ان سب کے مشترکہ تحفظات ہیں۔انہوں نے کہا کہ افغانستان پر پاکستان کے اقدامات اور پالیسیوں میں فرق دکھائی دیتا ہے۔ذرائع نے بتایا کہ ایران کی نمائندگی سپریم نیشنل سکیورٹی کونسل کے سیکریٹری ریئر ایڈمرل علی شمخانی کریں گے جب کہ روس کی نمائندگی سکیورٹی کونسل کے سیکریٹری نکولائی پی کریں گے۔انہوں نے کہا کہ قازقستان کی قومی سلامتی کمیٹی کے چیئرمین کریم ماسیموف اپنے ملک کی نمائندگی کریں گے جبکہ کرغزستان اپنی سلامتی کونسل کے سیکرٹری مارات مکانووچ ایمانکولوف کو بھیج رہا ہے۔یہ بھی پڑھیں: افغان شہریوں کو بینکوں سے رقم نکالنے میں مشکلات کا سامناتاجکستان کی سلامتی کونسل کے سیکرٹری نصرولو رحمتزون محمودزادہ اور ترکمانستان کی کابینہ کے نائب صدر برائے سلامتی امور چارمیرات کاکالیویچ اماووف اپنے اپنے ممالک کی نمائندگی کریں گے۔سکیورٹی حکام کا مشترکہ طور پر وزیر نریندر مودی سے ملاقات کا بھی پروگرام ہے۔ڈووال اپنے دورے پر آنے والے ہم منصبوں کے ساتھ دو طرفہ ملاقاتیں کریں گے۔

اس خبر پر اپنی رائے کا اظہار کریں

اپنا تبصرہ بھیجیں