دبستان ادب رفیع آباد حدی پورہ کہ طرفہ سپد اکھ تعزیتی اجلاس در خانہ غلام احمد ڈار المعروف عمہ ڈار لڈری از صبحچہ ساڈ نییہ بجہ۔۔اجلاسس منز آسی سابقہ ڈایریکٹر جنرل دور درشن تہ سکریٹری اکاڈمی جناب ڈاکٹر رفیق مسعودی،سابقہ صدر ادبی مرکز کمراز فاروق رفیع آبادی۔صدر دبستان جی ایم دلگیر خزانچی دبستان ادب غلام محمد میر المعروف لڈری گلہ میر گلشن مقبول گلہ نعمہ تہ معروف فنکار غلام رسول آہنگر المعروف لسہ کھارتہ موجود۔۔یمو اہم شخصیاتو عمہ ڈار لڈری سندن ادبی گوشن پیٹھ کتھ کر تمن منز چھ جی ایم دلگیر لڈری ،گلہ میر کنوینر، جوہر رمضان فاروق رفیع آبادی تہ جناب ڈاکٹر رفیق مسعودی قابل ذکر۔اجلاسس دوران باو معروف کمپوزر بجھن سوپوری تہ معروف شخصیت بشارت بخاری صابن آن لاین اظہار تعزیت۔آخرس پیٹھ آو اجتماعی طور مرحومہ سند ایصال ثواب خاطر دعاء کرنہ زء مرحومس کرین جنت الفردوس تہ لواحقینن صبر جمیل عطا۔۔اجلاسس دوران آو طے کرنہ ز پنداہمس پیٹھ سپد اکھ محفل بیاد عمہ ڈار لڈری یتھ دوران مرحوم سندین ادبی گوشن پیٹھ کھلہ ڈولہ کتھ سپدِ ۔۔۔۔۔۔۔۔جوہر رمضان کنوینر د ا ر
61
