صفدر یوسف
الفہء سئتی اللہ بییہ ایشور
بے سئتی بسم اللہ گوڈء پر
پے سئتی پُلہء ہور ”پھ“ سئتی پھل
تے سئتی تارکھ ”تھ“ سئتی تھل
ٹے سئتی ٹیکسی منز کر واو
”ٹھ“ سئتی ٹھوُلن کھولُکھ باو
ثے سئتی ثابِت ثے ثمر
جیم سئتی جنّت میونُے گرَ
چیٖم سئتی چپئلی ”چھ“ سئتی چھان
حَے سئتی حاکِم دیٖنُن وان
خَے سئتی خرگوش دال سئتی داند
ڈال سئتی ڈسہء آس تھاواں شاند
ذال سئتی ذخیٖرس گلہء انبار
رے سئتی ریڈیو رے رسدار
ڑے سئتی چھُنہء کانہہ لفظ یِوان
ژے سئتی ژالن کیاہ شوُبان
سیٖن سئتی ستُت سیٖن سئتی سَر
شیٖن سئتی شیٖنن بند کئری بَر
صاد سئتی صندوُقس تھاو ٹھان
ضاد سئتی ضعیٖفس کُن تھاو دھیان
طَے سئتی طش نار طَے سئتی طوُر
ظَے سئتی ظریٖفس کھولُکھ گیوُر
عان سئتی عنک لاگ پانس
غان غذا کھیاو مہمانس
فے سئتی فُرقانس سئتی زان
تھاوِتھ بنیو رُت انسان
قاف سئتی قلم کیٖف سئتی کتاب
”کھ“ سئتی کھَل تَے گاف سئتی گُلاب
لام سئتی لئٹی رازء میٖم سئتی موٹھ
نوُن سئتی نلکہء تہء واو سئتی ووٹھ
ہے سئتی ہکھرس مو کر زیٖر
یہِا پر نآوی توبہء تقصیٖر
یے سئتی یاور روُزِنَے دَے
ادء ژلہِ دِلِ آیٖنس خَے
بوڈ ”ے“ آخرس پیٹھ نون دراو
صفدر کرِہِس واوج واو
