ایس ڈی کالونی بٹہ مالو میں مسلح جنگجو نمودار پولیس کانسٹبل پر فائرنگ تاہم وہ معجزاتی طور پر بچ نکلا

سرینگر/28جنوری/سخت ترین حفاظتی انتظامات کے بیچ سرینگر کی ایس ڈی کالونی بٹہ مالو علاقے میں اس وقت سنسنی پھیل گئی جب مسلح افراد نے پولیس اہلکار پر فائرنگ کی تاہم وہ معجزاتی طور پر بچ نکلا ۔ سی این آئی کے مطابق ایس ڈی کالونی بٹہ مالو میں جمعہ کے بعد دوپہر اس وقت افرا تفری کا ماحول پھیل گیا جب مسلح جنگجو ئوں نے وہاں ایک پولیس کانسٹبل پر نزدیک سے گولیاں چلائی ۔پولیس ذرائع کے مطابق قریب تین بجکر 50منٹ پرپولیس کانسٹبل منیر معراج جو کہ عام کپڑوں ملبوس تھا پر نزدیک سے گولیاں چلائی تاہم پولیس کانسٹبل حملے میں معجزاتی طو ر پر بچ نکلا ۔ حملے کے بعد پولیس و سیکورٹی فورسز کی اضافی نفری علاقے میں پہنچ گئی جنہوں نے پورے علاقے کو محاصرے میںلیکر تلاشی کارروائی عمل میں لائی گئی تاہم کسی کی گرفتار ی عمل میں نہیں لائی گئی ۔ پولیس کے ایک سنیئر آفیسر نے اس کی تصدیق کرتے ہوئے بتایا کہ مسلح جنگجوئوں نے پولیس کانسٹبل پر فائرنگ کی تاہم وہ معجزاتی طور پر بچ نکلا ۔ انہوں نے کہا کہ حملہ آوروں کی تلاش بڑے پیمانے پر شروع کردی گئی ہے ۔