تنازعہ کشمیر کو سلامتی کونسل کی قراردادوں کی بنیادپرحل کیاجاناچاہئے کئی بارتنازع کے حل کی پیشکش کی /انتونیوگوتریز

سرینگر/22جنوری/اقوام متحدہ نے ایک مرتبہ پھر کشمیرکے بارے میں عالمی ادارے کے موقف کااعادہ کیاہے کہ مسئلے کواقوام متحدہ کے چارٹر،سلامتی کونسل کی قراردادوں اور پاکستان اوربھارت کے درمیان دوطرفہ سمجھوتوں سے حل کرنے پر زور دیا ہے ۔ سی این آئی مانیٹرنگ کے مطابق اقوام متحدہ کے سیکرٹری جنرل انتونیوگوتریزنے مسئلہ کشمیرکے بارے میں عالمی ادارے کے موقف کااعادہ کیاہے کہ اس مسئلے کواقوام متحدہ کے چارٹر،سلامتی کونسل کی قراردادوں اور پاکستان اوربھارت کے درمیان دوطرفہ سمجھوتوں کی بنیادپرحل کیاجاناچاہئے۔انتونیوگوتریزنے اس موقف کااعادہ نیویارک میں اقوام متحدہ کے سربراہ کے طورپردوسری مدت کے آغازکے موقع پرایک سوا ل کے جواب میں کیا۔انہوں نے امیدظاہر کی کہ ضہ علاقے میں انسانی حقوق کااحترام کیاجائے گا۔سیکرٹری جنرل نے کہاکہ اقوام متحدہ کشمیرمیں قیام امن کی کارروائی میں شامل ہے ، بھارت اور پاکستان میں اقوام متحدہ کے فوجی مبصرگروپ موجود ہیں جومتنازعہ علاقے میں کنٹرول لائن پر نظر رکھتے ہیں۔انہوں نے کہاکہ میں نے کئی بارتنازع کے حل کی پیشکش کی ہے اور ہمیں امیدہے کہ یہ مسئلہ پرامن طورپرحل ہوسکتاہے۔