سرینگر میں فورسز گاڑی پر حملہ،14اہلکار زخمی

سری نگر، 13 دسمبر: سرینگر کے زیوان علاقے میں سوموار کی شام کو عسکریت پسندوں نے آئی آر پی ایف کی ایک گاڑی پر حملہ کیا حملے کے نتیجے میں کم از کم14پولیس اہلکار زخمی ہوئے، جن میں چار کی حالت نازک بتائی جاتی ہے۔ایک مقامی نیوز ایجنسی کے مطابق جنگجوؤں نے پانتھ چوک-کھنموہ روڈ پر آری پورہ زیون علاقے میں 9ویں بٹالین انڈین ریزرو پولیس فورس کی گاڑی پر اندھا دھند فائرنگ کی جس کے نتیجے میں14پولیس اہلکار زخمی ہوگئے ،زخمیوںمیں 4کی حالت نازکبتائی جاتی ہے۔ فائرنگ میں ہوئے زخمیوں کو فوری طور علاج و معالجہ کے لیے ہسپتال منتقل کر دیا گیا ہے،” بتایا جاتا ہے کہ فورسز نے علاقے کو گھیرے میں لے لیا ہے اور حملہ آوروں کی تلاش بڑے پیمانے پر شروع کر دی گئی ہے۔