ملکی خواتین کو بااختیار بنانے کیلئے پرینکا گاندھی نے کس لیا کمر 51

پرینکا گاندھی نے خواتین کے لیے جاری کیا منشور

بوڑھوں، بیواؤں اور طالبات سے کیا وعدہ
سرینگر/یکم نومبر/پرینکا گاندھی نے خواتین کے لیے علیحدہ سے منشور جاری کیا ہے، جس میں انہوں نے طالبات کو اسمارٹ فون اور اسکوٹی دینے کے ساتھ بزرگ خواتین اور بیواؤں کو ماہانہ ایک ہزار روپے پنشن دینے کا بھی اعلان کیا ہے۔کرنٹ نیو زآف انڈیا کے مطابق کانگریس کی جنرل سکریٹری پرینکا گاندھی نے ٹوئٹر پر خواتین کے لیے ایک الگ منشور جاری کیا ہے، جس میں انھوں نے طالبات، بزرگ خواتین اور بیواؤں سے وعدے کیے ہیں۔ پرینکا گاندھی نے ٹوئٹ میں کہا کہ یوپی کی میری پیاری بہنوں، آپ کا ہر دن جدوجہد سے بھرا ہوا ہے۔ اس کو سمجھتے ہوئے کانگریس پارٹی نے آپ کے لیے علیحدہ منشور تیار کیا ہے۔ کانگریس پارٹی کی حکومت بننے پر سالانہ بھرے ہوئے 3 گیس سلنڈر مفت دیئے جائیں گے اور ریاستی حکومت کی بسوں میں خواتین کے لیے سفر مفت کیا جائے گا۔پرینکا گاندھی نے اگلے ٹوئٹ میں کہا کہ آشا اور آنگن واڑی کی میری بہنوں کو 10,000 روپے ماہانہ اعزازیہ ملے گا۔ نئے سرکاری عہدوں پر ریزرویشن کی دفعات کے مطابق 40 فیصد عہدوں پر خواتین کی تقرری۔ بزرگ خواتین اور بیواؤں کو ماہانہ ایک ہزار روپے پنشن دینے کا بھی اعلان کیا ہے۔ یوپی کی سرزمین کی مشہور خواتین شخصیتوں کے نام پر ریاست بھر میں 75 اسکل اسکول کھولے جائیں گے۔انہوں نے اگلے ٹوئٹ میں کہا کہ کانگریس پارٹی 40 فیصد ٹکٹ خواتین کو دے گی۔ طالبات کو اسمارٹ فون اور اسکوٹی دی جائے گی۔

اس خبر پر اپنی رائے کا اظہار کریں

اپنا تبصرہ بھیجیں